Mirjalol Qosimov: "Iroda ko‘rsatdik, shogirdlarim shunga yarasha mehnat qilishdi"

Superliga 7-turidan o‘rin olgan AGMK – "So‘g‘diyona" (3:2) uchrashuvidan so‘ng mezbonlar ustozi Mirjalol Qosimov fikrlari bilan o‘rtoqlashdi.

- O‘yin haqida
- O‘yin juda ham qiziqarli kechdi. "So‘g‘diyona" bejiz birinchi o‘rinda ketmayotgandi, yomon o‘yin ko‘rsatmayapti. To‘g‘risi, bugun ko‘p gol bo‘ladi deb o‘ylamagandim. Yigitlarga rahmat aytmoqchiman. Chunki sermazmun, muxlislarbop o‘yin namoyish qilishdi. Iroda ko‘rsatdik, shogirdlarim shunga yarasha mehnat qilishdi. Sanjar Tursunovga tezroq sog‘ayib ketishini tilab qolaman. Shuningdek, jamoamiz nomidan muxlislarga minnatdorchilik bildiraman.

- Sanjar Tursunovning holati qanday?
- Yaxshi emas. Bosh miya chayqalishi ro‘y berdi, shekilli. Tibbiy tekshiruvdan keyin ma’lum bo‘ladi.

- "So‘g‘diyona" faol o‘yin namoyish qildi. Baqoyev kutilmagan nimadir taklif qila oldimi?
- Ha. Oldingi o‘yinlarini ko‘rib chiqqandik. So‘g‘diyona" 4-2-3-1 taktik sxemasi asosida o‘ynayotgandi. Biroq bugun 5 ta himoyachi bilan harakat qildi.
Dilshod Ahmadaliyevga ko‘p dakki berdim, chunki bunday sxemada boshqacha harakat qilishi lozim.

- AGMK mavsum boshida og‘ir o‘yinlarni o‘tkazdi. Hozirgi vaqtga kelib jamoa o‘yini ancha yaxshilanib qoldi. Bunga nimaning evaziga erishildi?
- Yo‘q. Bu jarohatlar va kartochkalar ko‘payib ketishi oqibatida bo‘lgandi. Hozir mana Xudoga shukrki, sekin-asta hamma safga qaytib bormoqda.

- Oldinda yana bir jiddiy raqib – "Qizilqum" jamoasi kutmoqda. Nimalarni kutyapsiz?
- Bilasizmi, hozir o‘zi oson o‘yinning o‘zi yo‘q. Har bir klub oxirigacha kurashmoqda. Shuning uchun oson bo‘lmaydi. Yaxshi tayyorgarlik ko‘rishimiz kerak, hammasi o‘z qo‘limizda.

- Italiyalik afsonalarga qarshi o‘yinda ishtirok etasizmi?
- Yo‘q. Biz o‘ynab bo‘lganmiz. Butun e’tiborimiz bugungi bahsga qaratilgandi. “Zamin” yangiliklarini “Vkontakti”da kuzatib boring