Rimdagi “Olimpiko” stadionida maydon egalari “Roma” va chempionat autsayderi “Venetsiya” o‘rtasidagi uchrashuvda 1:1 hisobiga qayd etildi.
Uchrashuvning ilk daqiqasida mehmonlar hujumchisi David Okereke urgan golga ikkinchi bo‘limda o‘yinga qo‘shilgan Eldor Shomurodov bir bor javob qaytardi. O‘zbek legioneri 76-daqiqada qaytarilmas zarba bilan vaziyatni tenglashtirib, mezbonlarni alamli mag‘lubiyatdan qutqarib qoldi.
Keskin va murosasiz kurashlar ostida o‘tgan uchrashuvda bir necha tarixiy natijalar ham qayd etildi.
O‘yin davomida rimlik futbolchilar raqib darvozasi tomon 46 ta zarba yo‘lladi. Bu 2019 yildan beri eng ko‘p zarba yo‘llangan uchrashuv bo‘ldi. Avvalgi rekord uch yil muqaddam shrnatilgan bo‘lsa, “Atalanta” o‘yinchilari “Empoli” darvozasiga 47 marta to‘p tepgan.
Shuningdek, “Venetsiya”ning finlyandiyalik darvozaboni Niki Myayenpya o‘zi kelgan 17 ta zarbadan 16 tasini bartaraf etishga muvaffaq bo‘ldi. Bu ko‘rsatkichga ham kuchli beshlik chempionatlarida so‘nggi uch yildagi rekord bo‘ldi.
Avvalgi rekord yuqorida keltirilgan “Atalanta” va “Empoli” o‘rtasidagi bahsda qayd etilgan bo‘lib, “Empoli” darvozaboni Bartolomey Drongovski bir bellashuvda 17 marta jamoasini goldan qutqargandi.
“Venetsiya”ning 37 yoshli darvozaboni Niki Myayenpya jarima maydonchasi tashqarisidan yo‘llangan jami 8 ta zarbani o‘tib ketishiga yo‘l qo‘ymadi. O‘z jamoadoshlari uchun eng ko‘p 65 marotaba to‘pga tegingan o‘yinchi bo‘ldi.
Shunga qaramay, Shomurodovning goli “Venetsiya”ni muddatidan oldin quyi ligaga jo‘natib yubordi.
“Roma” g‘alaba qozonishni unitib qo‘ydi
“Roma” futbolchilari mavsum oxiriga borib toliq qolgan ko‘rinadi.
Statistika bilan shug‘ullanadigan manbalarning dalolat berishicha, rimlik “bo‘rilar” barcha turnirlarda so‘nggi yettita uchrashuvdan faqat bittasida g‘alaba qozona olgan.
Joze Mourino shogirdlari Konferensiyalar ligasi yarim finalining javob uchrashuvida Angliyaning “Lester” jamoasini kichik hisobda mag‘lub etgani so‘nggi bellashuvlarning yagona g‘alabali natijasi bo‘lib turibdi.
O‘sha muvaffaqiyatli bahs oldidan ham, undan keyin ham “Roma” durang yoki mag‘lubiyat qayd etdi. Xususan, rimliklar safar o‘yinlarida quyidagi natija ko‘rsatdi: “Napoli” – “Roma” 1:1, “Inter” - “Roma” 3:1, “Lester” - “Roma” 1:1, “Fiorentina” - “Roma” 2:0.
Uy uchrashuvlarida: “Roma” - “Bolonya” 0:0, “Roma” – “Venetsiya” 1:1.
Rimga “Feyenoord” agentlari keldi
Ma’lumki, “Roma” Konferensiyalar ligasining 25 mayga belgilangan final uchrashuvida Niderlandiyaning “Feyenoord” klubi bilan bellashadi.
Ilk marotaba tashkil etilgan xalqaro turnirning hal qiluvchi bahsiga puxta tayyorgarlik ko‘rayotgan rotterdamliklar “bo‘rilar”ning o‘yini bo‘yicha ma’lumot to‘plamoqda.
Italiya matbuotining yozishicha, “Feyenoord” rahbariyati “Roma” o‘yinini bevosita kuzatish va tahlil qilish uchun “Venetsiya” bilan bo‘lgan o‘yinga o‘z tahlilchilarini yuborgani aniqlandi.
Il Corriere dello Sport nashri tahlilchi Dennis van der Ri “Olimpiko”ga tashrif buyurib, rimliklar jamoasi haqida batafsil ma’lumotnoma tayyorlagan. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
AQSH Isroilning ikki vaziriga sanksiya qo‘llamoqchi
Rossiya armiyasi Kupyanskka kirgani aytilmoqda
NATO bosh kotibi Ukrainaning frontdagi ahvoli yomonlashganini tan oldi
AQSH harbiylari orasida o‘z joniga qasd qilish ko‘paydi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Erdo‘g‘on Turkiya Isroil bilan aloqalarini uzganini ma’lum qildi
