Katanes: Shomurodov "Roma"da zaxirada qolayotgan bo‘lsa ham, lekin men bilamanki, Eldor hozirgi kundagi eng yaxshi hujumchimiz

Ertaga start oladigan Osiyo kubogi saralashidan oldin O‘zbekiston milliy terma jamoasi bosh murabbiyi Srechko Katanes va sardorimiz Eldor Shomurodov ishtirokida matbuot anjumani o‘tkazildi.

Srechk Katanes: - Jamoa ertangi o‘yinga tayyor. Biz barcha o‘yinlarda g‘alaba qozonishga urinamiz. Faqatgina bitta uchrashuvda emas. Konsentratsiyani saqlagan holda harakat qilishimiz lozim. Hech kim o‘yin boshlanmasidan avval g‘alaba qozona olmaydi. Shuning uchun biz futbolchilarni yaxshi tayyorlashimiz darkor. Futbolchilarimga hammasini tushuntirib bera olishim kerak, raqiblarni xurmat qilish muhim. Aks holda futbolda hamma narsa bo‘lib bizni jazolashlari mumkin.

- Saralashda O‘zbekiston favorit. Shuning uchun siz tarkibda rotatsiya qilasizmi?
- Men qarqmayman. Bunday yondoshuvni yoqtirmayman. Bunday fikrlash noto‘g‘ri deb hisoblayman. Bugungi futbol 10-15 yil oldingidan boshqacha. Shuning uchun konsentratsiyani saqlashimiz lozim. Chunki men bilaman juranalist yozayotgan narsalarni futbolchilar o‘qiydi. Agar 100 foiz tayyor bo‘lmasak, huddi siz aytgandek, Shri-Lankadan va Maldiv orollari terma jamoasidan syurpriz bo‘lishi mumkin. Shunday narsalardan qo‘rqaman. Hamma futbol o‘ynashni o‘rganib olgan. Yaponiya va boshqa terma jamoalar Osiyo Kubogigi yo‘llanma olib bo‘lgan. Biz endi maydonga chiqamiz.

Hozirgi kunda aytganingizdek, terma jamoamiz favorit. Men favorit emasmiz deganim yo‘q. Ammo jiddiy yondoshishimiz lozim. Chunki saralash bahslari ilk bor bunday formatda o‘tkazilmoqda. 6 kun ichida 3 ta o‘yinda maydonga tushiladi. 23 futbolchimiz bor. Ular bilan har narsa bo‘lishi mumkin. Avval format boshqacha edi. O‘zbekiston chempionati tugaganidan so‘ng 6 kun dam olish va katta tanaffus yuzaga kelyapti. Lekin biz hammamiz bir xil holatdamiz.

- Har o‘yinda gol o‘tkazib yuboryapmiz. Nega bir yarim yildan beri yaxshi harakat qilayotgan himoyachi Shahboz Jo‘rabekov terma jamoada sinab ko‘rilmadi?
- Men terma jamoada ishlayotganimga ko‘p bo‘lgani yo‘q. Biz asosan o‘zimiz sinab ko‘rgan futbolchilarni chaqirdik. Chunki bu saralash bahslari yangi o‘yinchilarni sinab ko‘radigan o‘yinlar emas. Menimcha, hozirgi kundagi eng yaxshilarni tarkibga chaqirganmiz.

- Katanes Superligani kuzatmaydimi? Nega Shoxruz Norxonov, Temirxo‘ja Abduxoliqov, Xurshid G‘iyosov, Sherzod A’zamov, Bobir Abdixoliqov tarkibga chaqirilmagan?
- Sherzod A’zamovni yaxshi bilaman. "Paxtakor"ning o‘yinlarini ko‘ryapsizmi? A’zamov nechta o‘yinda maydonga tushdi? Biz hamma uchrashuvlarni kuzatyapmiz. Agar har xil nomlarni aytsak, men ham, siz nohaq bo‘lishimiz mumkin. Iltimos, jiddiy yondoshaylik. Aytganimdek, bu eng yaxshi futbolchilar. Bor gap shu.

Saralash o‘yinlarida yangi futbolchilarni sinab ko‘ra olmaymiz. Men bular bilan oldin ma’lum muddat ishladim. Albatta, siz haq bo‘lishingiz mumkin. Siz bizda yaxshi futbolchilar borligini aytishingiz mumkin, hozirgi tarkibga qaraganda. Masalan, Shomurodov "Roma"da zaxirada qolayotganini aytishingiz mumkin. Lekin men bilamanki, Eldor hozirgi kunda eng yaxshi hujumchimiz. Men hamma fikrlarni qabul qilishim mumkin.

- Vaziyat taqazo qilsa, U-23 terma jamoasidagi futbolchilarni chaqirishingiz mumkinmi?
- Hozir ularga tegishga bizning haqqimiz yo‘q. Chunki tasavvur qiling kovid bilan bog‘liq nimadir bo‘lsa, qoidalar bo‘yicha mumkin emas. Hozir bu mavzuda gapirishni xohlamayman. Sababi ba’zi futbolchilar biz bilan ancha vaqt yig‘inlarda qatnashdi.

Eldor Shomurodov: O‘yinga hamma tayyor. O‘zbekiston milliy terma jamoasi anchadan beri rasmiy o‘yinda maydonga tushgani yo‘q. Shunga qaramay g‘alaba uchun intilamiz. “Zamin” yangiliklarini “Vkontakti”da kuzatib boring