Yaponiya U-23 jamoasi bosh murabbiyi Oiva Go: "Minimum vazifamizni bajarganimizdan xursandman"

Kecha U-23 Osiyo kubogining 3-tur bahslari yakuniga yetdi va unda Yaponiya U-23 Tojikiston U-23 ustidan yirik 3:0 hisobida g‘alabaga erishdi.
O‘yindan keyingi matbuot anjumanida Yaponiya U-23 jamoasi bosh murabbiyi Oiva Go hamda o‘yinning eng yaxshi futbolchisi Daiki Matsuoka ishtirok etishdi.

- O‘yin haqida fikrlaringiz...
- Birinchi va ikkinchi bo‘limlarda gol urush uchun juda qulay imkoniyatlar yaratdik. Ammo bu imkoniyatlarning hammasini ham golga aylantira olmadik. Minimum vazifamizni bajarganimizdan xursandman.

- Janubiy Koreyaga qarshi qanday o‘yin ko‘rsatish niyatidasiz? Hujumkor va ochiq futbolmi yoki himoyaviy va ehtiyotkormi?
- Keyingi bosqichdagi raqibimiz Janubiy Koreyaligini hozir sizdan eshitdim. Hozircha 3 kun vaqtimiz bor va bu vaqt ichida biz o‘z o‘yinimizni tahlil qilib chiqishimiz kerak. Qanday raqib bo‘lishidan qat’iy nazar biz agressiv futbol ko‘rsatamiz. Sababi, bu bizning o‘yin uslubimiz.

- Tojikiston bilan o‘yindan oldin jamoangiz keyingi bosqichga chiqish masalasini hal qilganida, Tojikiston jamoasiga o‘ynashga imkoniyat berarmidingiz?
- Biz keyingi bosqichga chiqish chiqmasligimizdan qat’iy nazar hujumkor o‘yin ko‘rsatar edik.

- Janubiy Koreyani qaysi bir futbolchisini asosiy yulduz deb hisoblaysiz?
- Hammasi!

- Janubiy Koreya va Yaponiya o‘rtasidagi uchrashuv bu juda katta qarama-qarshilik, bu haqda fikringiz?
- Bu uchrashuvga juda katta e’tibor qaratiladi. Ushbu qarama-qarshilik g‘alaba qozonishga harakat qilamiz.

- Daiki Matsuokaning o‘yin haqidagi fikrlari qanday?
- Bugun yaxshi o‘yin o‘tqazdik va ko‘p gol urdik. Bu musobaqada bizning maqsadimiz chempion bo‘lish. Ushbu maqsadga erishish uchun biz jamoamiz bilan har bir o‘yinga maksimal darajada e’tibor qaratishimiz kerak. “Zamin” yangiliklarini “Youtube”da kuzatib boring