UFC reytingi: Konor Makgregor o‘z divizioni top-10 ligini tark etdi, Shavkat Rahmonov 5 pog‘ona yuqoriladi

UFC promousheni 28 iyun kuni yangilangan reytingni e’lon qildi.

26 iyun tongida bo‘lib o‘tgan UFC Vegas 56 musobaqasi asosiy jangida g‘alaba qozongan Mateush Gamrot yengil vazn divizionida to‘rt pog‘ona yuqorilab, 8-o‘rinda qayd etildi. Unga mag‘lub bo‘lgan Arman Sarukyan 11-pog‘onadagi joyini saqlab qoldi.

Konor Makgregor yengil divizion o‘nligini tark etgan. Irlandiyalik yakkakurashchi 8-pog‘onadan 12-o‘ringa tushib ketgan.

Yarim o‘rta vazn toifasi vakili Shavkat Rahmonov reytingda bir yo‘la beshta pog‘ona ko‘tarilgan va kuchli o‘nlikka kirgan. Unga yengilgan Nil Magni esa 12-o‘ringa tushib ketdi.

Promoushendagi uchinchi g‘alabasiga erishgan Umar Nurmagomedov ilk bor reytingda ko‘rinish berdi. Rossiyalik sportchi o‘ta yengil vazn toifasining 15-pog‘onasidan joy olgan. “Zamin”ni Telegramʻda oʻqing!