Angliya Superkubogi. «Liverpul» «Manchester Siti» ustidan g‘alaba qozonib, superkubokni qo‘lga kiritdi

Angliya Superkubogida «Liverpul» va «Manchester Siti» klublari 30 iyul, shanba kuni o‘zaro to‘qnash keldi.

Uchrashuvning 21-daqiqasida Muhammad Salohning assistidan so‘ng Trent Aleksander-Arnold hisobni ochdi. Birinchi bo‘limning qolgan qismida darvozalar daxlsizligi saqlanib qoldi. Ikkinchi bo‘limni ham jamoalar hujumkor boshladi. 70-daqiqada Julian Alvares muvozanatni tikladi. 83-daqiqada esa Muhammad Saloh penaltidan unumli foydalanib, mersisaydliklarni hisobda oldinga olib chiqdi. Uchrashuv so‘ngida Darvin Nunes yakuniy hisobni o‘rnatdi.

Shu tariqa «Liverpul» Angliya Superkubogiga ega chiqdi. 2021/22 yilgi mavsumda Yurgen Klopp shogirdlari Angliya Kubogida zafar quchgan bo‘lsa, «shaharliklar» Premer Liga chempionligini qo‘lga kiritgandi.

Angliya Superkubogi—2022

«Liverpul» — «Manchester Siti» 3:1
Gol: 1:0 – 21 Aleksander-Arnold, 1:1 — 70 Julian Alvares, 2:1 — 83 Muhammad Saloh (penalti), 3:1 — 90+4 Darvin Nunes.
«Liverpul»: Adrian, Aleksander-Arnold (Elliot, 74), Matip, van Deyk, Robertson, Henderson (Milner, 74), Tiago Alkantara (Nabi Keyta, 85), Fabino, Firmino (Nunes, 59), Saloh (Jons, 90+5), Dias (Fabio Karvalyo, 90).
«Manchester Siti»: Ederson, Uoker, Ake, Ruben Diash, Joau Kanselu, de Bryuyne (Gundo‘g‘an), Bernardu Silva, Rodri, Grilish (Foden, 58), Mahrez (Alvares, 58), Holand.
Ogohlantirishlar: Ruben Diash (83), Darvin Nunes (90+5).

Quyida ushbu uchrashuvning qisqacha videosharhini tomosha qilishingiz mumkin:
“Zamin” yangiliklarini “Twitter”da kuzatib boring