Eldor Shomurodovning transferiga oid xabarlar tobora ko‘payib bormoqda. Eng qizig‘i, bu xabarlarning ayrimlari bir-biriga zid kelmoqda.
Rossiyaning “Sport Eksperss” nashri “Bolonya” sport direktori Jovanni Sartoriga tayangan holda bu klub Eldor Shomurodovning transferini sotib olmasligi haqida xabar tarqatdi.
Lekin oradan ko‘p o‘tmay, Italiyaning bir necha nufuzli nashrlari Shomurodov faoliyatini davom ettirish uchun aynan “Bolonya”ni tanlaganini yozmoqda. Xususan, Bolonya shahrining Corriere Di Bologna gazetasi o‘zbek hujumchisi aynan “Bolonya” jamoasiga o‘tishga juda yaqin kelgani haqida axborot tarqatdi.
Bu ma’lumotni Italiyaning eng mashhur gazetalaridan biri Corriere dello Sport ham tasdiqladi. Nashrning ta’kidlashicha, tomonlar Shomurodov transferi bo‘yicha bir to‘xtamga kelgan. Unga ko‘ra, “Bolonya” o‘zbekistonlik legionerni keyinchalik sotib olish majburiyati bilan bir mavsum ijaraga oladi.
Mavsum yakunlangan bolonyaliklar Shomurodovni 10 million yevro evaziga sotib olishi kerak bo‘ladi. Bu transfer hali rasman tasdiqlangani yo‘q.
“Bolonya” Shomurodovni olish uchun eng ko‘p harakat qilayotgan jamoa hisoblanadi. Shuningdek, hujumchimizga A Seriya vakillaridan “Monsa”, “Sassuolo” va “Torino” jiddiy qiziqish bildirgandi. Ayrim manbalar turinliklar va sassuololiklar hamon o‘zbek hujumchisini qo‘lga kiritishdan umidvor ekanini yozmoqda.
Bundan tashqari, Shomurodov xizmatlariga Angliya premer-ligasining “Vulver’jmpton” va Saudiya Arabistonining “Al-Hilol” jamoalaridan chorlov bo‘ldi. Ma’lumotlarda ta’kidlanishicha, o‘zbek hujumchisi faoliyatini Italiyada davom ettirishni ma’qul ko‘rgan.
27 yoshli Eldor Shomurodov “Mash’al” tarbiyalanuvchisi hisoblanadi. 2014 yili O‘zbekiston chempionatida muborakliklar safida o‘n marta uchrashuv o‘tkazgan iste’dodli hujumchi kelasi mavsumdan “Bunyodkor”ga o‘tgan edi.
Poytaxt jamoasidagi ikki uch yillik faoliyati davomida Eldor 66 ta uchrashuvda raqiblar darvozasini 18 marotaba ishg‘ol qildi.
Keyinchalik Shomurodov Rossiya premer-ligasining “Rostov” jamoasiga ko‘chib o‘tdi. Ushbu jamoa bosh murabbiyi Valeriy Karpin hamyurtimizning iste’dodini sayqallab, uni Yevropa darajasida to‘p tepishga qodir hujumchiga aylantirdi. Rostovliklar safida premer-ligada jami 80 ta uchrashuvda 16 ta, Rossiya kubogi va Yevropa Ligasida bittadan to‘p kiritgan hujumchimiz 2020 yilning oktabrida Italiya chempionatiga ko‘chib o‘tdi.
“Jenoa” hujumchimiz uchun “Rostov”ga jami 9 million yevro miqdorida badal puli to‘ladi. Kuchli beshlik chempionatlaridagi debyut mavsumida Shomurodov sakkizta to‘p kiritdi va bir necha grand klublar e’tiborini tortdi.
Oxir-oqibat legionerimiz “Roma”ni tanladi. Shomurodov Joze Mourino qo‘l ostidagi mavsumni qirqta uchrashuv, beshta gol va oltita assist bilan yakunladi. Shuningdek, Konferensiyalar ligasida g‘olib chiqib, Yevropadagi ilk nufuzli sovrinini qo‘lga kiritdi.
Shomurodov O‘zbekiston milliy terma jamoasi yetakchisi va sardori hisoblanadi. Hujumchimiz mamlakatimiz bosh jamoasida 56 marotaba maydonga tushib, o‘z hisobiga 30 ta gol yozdirib qo‘ygan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Yaxshi pishgan va mazali anor tanlashga yordam beradigan tavsiyalar
Donald Tramp 27 yoshli Karolin Levittni Oq uy matbuot kotibi etib tayinlamoqchi
AQSH Isroilning ikki vaziriga sanksiya qo‘llamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
AQSH harbiylari orasida o‘z joniga qasd qilish ko‘paydi
Pashinyan Armanistonning Mustaqillik deklaratsiyani eng katta muammo va fojia deb atadi
Apple dongdor ikki ayfonini rasman eskirgan deb e’lon qildi
Har qanday katta yoshdagi kishi yetuk emas
