Superliga. «Paxtakor» «Metallurg» ustidan irodali g‘alabaga erishib, birinchi o‘ringa ko‘tarildi

^{Foto: «Paxtakor»}
Futbol bo‘yicha O‘zbekiston Superligasining 18-turida «Paxtakor 9 sentabr, juma kuni o‘z maydonida «Metallurg»ni qabul qildi.

Uchrashuvning 24-daqiqasida Zabihillo O‘rinboyev penaltidan unumli foydalanib, hisobni ochdi. 34-daqiqada Pshemislav Banashak muvozanatni tikladi. Birinchi bo‘lim durang natija bilan yakunlandi.

Ikkinchi bo‘limda Abbos Fayzullayev «sherlar»ning ikkinchi golini urdi. Shu tariqa Poytaxt klubi g‘oliblikni qo‘lga kiritdi.

Ushbu g‘alabadan so‘ng «Paxtakor» ochkolari sonini 35 taga yetkazdi va 1-o‘ringa ko‘tarilib oldi. «Metallurg» esa 20 ochko bilan 8-pog‘onani band etdi.

«Paxtakor» — «Metallurg» 2:1
Gollar: 0:1 — 24 Zabihillo O‘rinboyev, 1:1 — 34 Pshemislav Banashak, 2:1 — 56 Abbosbek Fayzullayev.

«Paxtakor»: 35. Sanjar Quvvatov, 3. Hojiakbar Alijonov, 7. Odiljon Hamrobekov, 8. Azizbek Turg‘unboyev (63. Muhammadali O‘rinboyev, 68), 10. Dragan Cheran (Diyor Xolmatov, 83), 13. Iliya Martinovich, 17. Dostonbek Hamdamov (Abbos Fayzullayev, 46), 19. Pshemislav Banashak (46. Shahriyor Jabborov, 90+2), 27. Sardor Sobirxo‘jayev, 34. Farrux Sayfiyev, 88. Shahzod Azmiddinov.

«Metallurg»: 12. Aleksandr Lobanov, 4. Kerim Palich, 9. Zabihillo O‘rinboyev (19. Ergash Ismoilov, 63), 10. Bektemir Abdumannonov, 14. Abrorbek Toshqo‘ziyev (7. Boburbek Farhodov, 63), 18. Anvar G‘ofurov, 22. Shahzodbek G‘ofurbekov, 27. Ixtiyor Toshpo‘latov, 30. Ibrohim Ibragimov, 80. Farrux Ibrohimov, 97. Muhammadali Aliqulov.

Ogohlantirishlar: Kerim Palich (32), Odiljon Hamrobekov (41), Aleksandr Lobanov (58), Farhod Bekmurodov (62), Shahzod Azmiddinov (88). “Zamin” yangiliklarini “Telegram”da kuzatib boring