“Energetik-BGU” safida Belarus chempionligi uchun kurashayotgan Bobur Abduxoliqov uchun mavsum muvaffaqiyatli davom etmoqda.
“Nasaf” tarbiyalagan hujumchi joriy mavsumda oliy ligada 21 ta uchrashuvda raqiblar darvozasiga 20 ta to‘p kiritdi va jamoadoshlariga oltita golli uzatma berdi. Bundan tashqari, Belarus kubogida bitta o‘yinda ham gol, ham assist muallifi bo‘ldi.
Belarus chempionati to‘purarlari bahsida katta ustunlik bilan peshqadamlik qilayotgan hamyurtimiz klub ijtimoiy tarmoqlari orqali muxlislar tomonidan o‘ziga yo‘llangan savollarga javob qaytardi.
- Minskda vaqtingiz qanday o‘tyapti?
- Dam olish va futbol ko‘rish bilan.
- Mavsum davomida yuqori sport formasini qanday saqlab turibsiz?
- Kuniga ikki mahal mashg‘ulot o‘tkazyapmiz.
- Belarus qanday ekan? Minsk yoqdimi?
- Hammasi zo‘r. Minksda hamma narsa qulay va chiroyli.
- Yozgi transferlar oynasi vaqtida boshqa klublardan takliflar bo‘lgan edi. Nega ularga rad javobini berdingiz?
- Taklif etilgan sharoitlar to‘g‘ri kelmadi.
- Keyingi turda gol ura olasizmi?
- Albatta.
- Bosimni qanday yengyapsiz? Siz chempionatning eng zo‘r to‘purarisiz...
- Bosimni his qilganim yo‘q.
- Kayfiyat qalay? Bu mavsum shu darajada muvaffaqiyatli bo‘lishini kutganmidingiz?
- Kayfiyat a’lo darajada. Bunday natija kutilgan edi. Chunki mavsumoldi yig‘inlari zo‘r bo‘lgandi.
- Kelajakka rejalar qanday?
- Top-chempionatlardan birida o‘ynash.
Ta’kidlash joizki, “Energetik-BGU” o‘z tarixida ilk marotaba Belarus chempionligi uchun kurashmoqda. Hozircha, “talabalar” 21 ta uchrashuvda 44 ochko jamg‘arib, birinchi o‘rinda bormoqda. “Energetik-BGU” o‘tgan yilgi chempion “Shaxtyor-Soligorsk” va “Dinamo Minsk” jamoalaridan bir ochkoga o‘zib ketgan.
“Energetik-BGU” tarkibida Bobur Abduxoliqovdan tashqari 19 yoshli himoyachi Abdulqodir Husanov ham muntazam asosiy tarkibda o‘ynamoqda. Birinchi davrada Shohruhbek Abdurahmonov va Abbosbek Jumaqulov ham jamoa sharafini himoya qilgan edi.
Yaqinda bu jamoa yana bir o‘zbekistonlik futbolchi – 18 yoshli yarim himoyachi Amirbek Baqoyevni ham o‘z safiga qo‘shib oldi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiyaning Harper's Bazaar nashri yil ayolini aniqladi (foto)
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
Shols va Putin o‘rtasidagi suhbat Kiyevga signal bo‘ldi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
20 yoshli o‘zbekistonlik qizni qarindoshi Turkiyaga sotib yubordi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
