"Dinamo" bosh murabbiyi Vadim Abramov "Navbahor"ga qarshi uchrashuvdan so‘ng fikrlari bilan o‘rtoqlashdi.
"Nima ham deyishim mumkin. Hamma o‘yini ko‘rdi va men bu o‘yin haqida gapirishim qiziq emas. Undan ko‘ra savollarga javob berganim ma’qul. O‘yin? Juda zerikarli bahs bo‘lgani sababli nimadir gapirishga so‘z ham yo‘q", - deydi Abramov.
- Bugun ikki xil taym guvohi bo‘ldik. Birinchi bo‘lim juda zerikarli bo‘ldi. Ikkinchi bo‘limda esa har ikki jamoa ham faollashdi. Bu "Dinamo"ning o‘yin uchun ishlab chiqqan taktikasimidi?
- Sizga ikkinchi bo‘lim ko‘proq yoqdimi? Umuman olganda, bugungi bahs uchun o‘z rejamiz bor edi. Biz mezbonlarning qanday o‘yin ko‘rsatishlarini bilar edik. Shu sababli, birinchi bo‘limda himoyada yaxshi harakat qilib, ikkinchi bo‘limda ko‘proq hujum qilishni reja qilgandik. Biroq ayni vaqtda zaxiramizda o‘yinchilar yetarli bo‘lmagani uchun qiynaldik. Birinchi o‘tkazib yuborgan gol rejalarimizni "buzib tashladi". Keyin kerak bo‘lmagan penalti hisobni oshirilishga sabab bo‘ldi. To‘g‘ri tushuninglar, ayni vaqtda biz 0:2 dan chiqib ketadigan jamoa emasmiz. Hozirgi tarkib bilan bunday natijaga erishib bo‘lmaydi.
- Odatda o‘rtacha Superligada qolish uchun jamoalar 26 ochko to‘plashi lozim. Ayni vaqtda esa «Dinamo»da bu deyarli imkonsiz bo‘lib qolmoqda. Kelasi yil uchun rahbariyatning rejalari qanday?
- Men bu haqida avvalroq ham aytgandim, menimcha siz bu haqida bilsangiz kerak. Umuman olganda aslida bu meni fikrim ham emas edi. Men boshqa murabbiylarning fikrlariga qo‘shilgandim. Menimcha, O‘zbekiston uchun 14 ta jamoa kamdek. Yil davomida 26 ta o‘yin bu juda kam. Bizning iqlimda bundan ko‘proq o‘yin ko‘rsatish mumkin, maydonlarimiz ham hozirda javob beradigan holatda. Shuningdek, Buxoro, Samarqand va boshqa viloyatning bosh jamoalari ham Superligada ishtirok etishga haqlilar deb o‘ylayman. Meni fikrim jamoalar sonini oshirish lozim! Bu esa menga bog‘liq emas.
- Yil yakunida kim chempion bo‘ladi?
- Doimgidek kuchli jamoa chempion bo‘ladi. Har uch jamoa ham chempionlik uchun kurashmoqda. Men buni aniq ayta olmayman. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiyaning Harper's Bazaar nashri yil ayolini aniqladi (foto)
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
Shols va Putin o‘rtasidagi suhbat Kiyevga signal bo‘ldi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
20 yoshli o‘zbekistonlik qizni qarindoshi Turkiyaga sotib yubordi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
