Belarus chempionati oliy ligasida hal qiluvchi pallaga kirdi. O‘z tarixida ilk bor sovrinli o‘rinlar uchun kurashish imkoniyatiga ega bo‘lgan “Energetik-BGU” 15-turning qoldirilgan uchrashuvida “Dinamo-Minsk” mehmoni bo‘ldi.
Bu uchrashuvni chempionatning markaziy o‘yinlaridan biri sifatida baholash mumkin. Chunki hozircha to‘rtinchi pog‘onada borayotgan “Dinamo-Minsk” o‘z maydonidagi uchrashuvda g‘alaba qozongan taqdirda chempionlik uchun kurashga qo‘shilish imkoniyatini saqlab qolardi.
Ikkinchi o‘rinni egallab turgan va musobaqa peshqadami "Shaxtyor-Soligorsk"dan ikki ochkoga ortda qolayotgan “Energetik-BGU” ham kurashni davom ettirish uchun g‘alaba suv va havodek zarur edi.
Hisob uchrashuvning 9-daqiqasida “talabalar” tomonidan ochildi. Himoyachi Aleksey Lavrik mezbonlar darvozasini ishg‘ol qildi. O‘z maydonida to‘p tepayotgan “dinamochilar” birinchi bo‘limning o‘zida Bakichning aniq zarbasidan keyin vaziyatni tenglashtirdi.
Ushbu bellashuvda burilish nuqtasini Bobur Abduxoliqov qo‘ydi. Hamyurtimiz 70-daqiqada penaltidan to‘p kiritib, jamoasini hisobda oldinga olib chiqdi. Uch daqiqadan so‘ng legionerimiz raqib darvozasiga uzoq masofadan kuchli zarba berdi.
“Dinamo-Minsk” posboni Yegor Xatkevich katta qiyinchilik bilan zarbani bartaraf etdi, lekin undan qaytgan to‘pni Ilya Grishenga darvoza to‘riga joylab qo‘ydi.
Uchrashuvning yana bir e’tiborga molik vaziyati o‘zbekistonlik futbolchi Abdulqodir Husanov ishtirokida bo‘ldi. 18 yoshli markaziy himoyachimiz 74-daqiqada ikkinchi marta ogohlantirish olib, maydondan haydaldi.
Uchrashuv oxirida Bobur Abduxoliqov yana katta sahnaga chiqdi. Jamoadoshining super uzatmasidan unumli foydalangan hujumchi chiroyli gol urib, hisobdagi farqni yirik ko‘rinishga keltirdi.
"Dinamo" Minsk – "Energetik-BGU" 1:4
Gollar: Bakich 22' – Lavrik 9', Grishenko 72', Bobir Abdixoliqov penalti 70', 84'
"Dinamo" Minsk: Xatkevich, Begunov, Gabriel, Kalinin, Orino, Bikov, Shvetsov, Konsevoy (Lojkin, 79), Baxar, Bakich, Begunov (Yosipovich, 79).
"Energetik-BGU": Makavchik, Husanov, Lukashevich, Silinskiy, Rilach (Grishenko, 46), Papariga (Danila Chul, 77, Semenov, 83), Abdixoliqov (Bakayev, 90+2), Pashevich, Svirepa, Pliyev (Turich, 46), Lavrik.
Ogohlantirishlar: Begunov (5), Lavrik (18), Pliyev (44), Lukashevich (60), Husanov (66), Baxar (68), Yosipovich (80), Abdixoliqov (85), Orino (90+4), Bakayev (90+4).
Chetlatish: Husanov (ikkinchi sariq, 74).
Bobur Abduxoliqov chempionatdagi gollari sonini 25 taga yetkazib oldi va to‘purarlar poygasida yaqqol peshqadam bo‘lib turibdi. Bundan tashqari, Bobur Abduxoliqov mazkur dubldan keyin 2007 yilgi chempionatda o‘z hisobiga 24 ta aniq zarba yozdirib qo‘ygan “Gomel” hujumchisi Roman Vasilyukdan o‘zib ketdi.
Quvonarlisi, mohir legionerimiz 2001 yili ligada 25 ta gol muallifi bo‘lgan “Nyoman-Belkard”ning rossiyalik forvardi Sergey Davidov natijasini qaytardi.
Bobur Abduxoliqov qolgan ikkita o‘yinda bitta gol ursa Belarus chempionatining bir mavsumida eng ko‘p to‘p kiritgan xorijlik futbolchisiga aylanadi.
Ayni paytda 25 yoshli hamyurtimiz 25 ta gol va oltita golli pas bilan gol+pas tizimida 31 ochko jamg‘arib, chempionatning eng foydali o‘yinchisi bo‘lib turibdi. Shuningdek, hamyurtimiz hisobida Belarus kubogida o‘tkazilgan bitta uchrashuvda gol va assist qayd etilgan.
Bobur Abduxoliqov uchrashuvning eng yaxshi o‘yinchisi, deb topildi.
Turnir jadvali
Endi “Energetik-BGU” navbatdagi uchrashuvini 6 noyabr kuni safarda “Gomel”ga qarshi o‘tkazadi. Va mavsumning so‘nggi bahsida “Dinamo-Minsk” bilan o‘z maydonida o‘ynaydi. Bu bellashuv 12 noyabrga belgilangan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
AQSH harbiylari orasida o‘z joniga qasd qilish ko‘paydi
AQSH Isroilning ikki vaziriga sanksiya qo‘llamoqchi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
