YECHL. «Real» o‘z maydonida «Seltik»ni tor-mor etdi, «Leypsig» safarda «Shaxtyor»ni mag‘lub etdi

Futbol bo‘yicha Chempionlar Ligasining 6-turidan o‘rin olgan o‘yinlar 2 noyabr, chorshanba kuni bo‘lib o‘tdi.

F guruhida «Real» «Seltik»ni qabul qildi. Uchrashuvning 6-daqiqasida Luka Modrich penaltidan unumli foydalanib, hisobni ochdi. 21-daqiqada Rodrigo ham penaltini aniq amalga oshirib, o‘z hisobiga gol yozdirib qo‘ydi. 51-daqiqada Marko Asensio, 61-daqiqada Vinisius Juniorlar hisobni yiriklashtirishga xizmat qiluvchi gollarni urdi. 71-daqiqada Federiko Valverde ham gol muallifiga aylandi. 84-daqiqada Jota hisobni qisqartirishga erishdi.

Guruhning ikkinchi o‘yinida «Leypsig» «Shaxtyor» ustidan 4:0 hisobida g‘alaba qozondi. Nemis klubi safida Kristofer Nkunku, Andre Silva, Dominik Soboslai va Dani Olmo gol muallifiga aylandi.

Shu tariqa «Madrid» klubi 13 ochko bilan guruhni 1-o‘rinda yakunladi. «Leypsig» 12 ochko bilan 2-o‘rinni egalladi. «Shaxtyor» esa Yevropa Ligasiga yo‘llanmani qo‘lga kiritdi.

«Real» – «Seltik» 5:1
Gollar: 1:0 – 6 Modrich (penalti), 2:0 – 21 Rodrigo (penalti), 3:0 – 51 Asensio, 4:0 – 61 Vinisius Junior, 5:0 – 71 Valverde, 5:1 – 84 Jota.
«Real Madrid»: Kurtua, Karvaxal (Vaskes, 64), Alaba (Nacho, 66), Militao (Valexo, 73), Mendi, Modrich (Sebalos, 66), Kroos, Valverde, Asensio, Vinisius Junior (Benzema, 64), Rodrigo.
«Seltik»: Hart, Yuranovich, Starfelt, Yens, Teylor, Muy (Ternbull, 63), O‘Rayli, Hatate (Abilgor, 82), Abada (Jota, 63), Furuxasi (Yakumakis, 62), Maeda (Hakshabanovich, 63).
Ogohlantirishlar: O‘Rayli (20), Furuxasi (47).

«Shaxtyor» – «Leypsig» 0:4
Gollar: 0:1 – 10 Nkunku, 0:2 – 50 Andre Silva, 0:3 – 62 Soboslai, 0:4 – 68 Olmo. “Zamin” yangiliklarini “Odnoklassniki”da kuzatib boring