Eldor Shomurodov - Qozog‘iston, “Torino”, “Chorsu” va o‘g‘li haqida

O‘zbekiston terma jamoasi hujumchisi Eldor Shomurodov Qozog‘iston bilan o‘yindan oldingi rasmiy mashg‘ulot arafasida championat.asia saytiga intervyu berdi.

- Terma jamoa ixtiyoriga yetib keldingiz. Dastlabki таассуротлар...
- Erta tongda Toshkentga yetib keldim. Doim terma jamoaga kelish yoqimli. O‘yinlarga tayyormiz.

- Bugungi matbuot anjumanida Srechko Katanes Shomurodov Toshkentga kech kelgan bo‘lsa ham, baribir asosiy tarkibda tushadi sababi “Roma”ning oxirgi o‘yinidan maydonga tushmadi. U hozir boshqalardan ko‘ra yaxshiroq holatda dedi. Rostan ham shundaymi? Yoki yo‘l charchog‘i bormi?
- Yo‘l charchog‘i deyarli yo‘q. Sababi Italiyadan uchib kelishga o‘rganib qoldim.

- Xuddi “Chorsu”ga borib kelgandek bo‘lib qoldimi?
- (kuladi) Ha, shunaqa desa ham bo‘ladi. O‘zimni yaxshi his qilyapman. Ertaga maydonga tushishga tayyorman.

- Yanvar oyida “Torino”ga o‘tishingiz haqida xabarlar чиқди...
- Hozir klub haqida hech nima deya olmayman. Sababi terma jamoa safidaman.

- Qozog‘iston va Rossiya bilan o‘yinlardan nima kutyapsiz?
- Kimga qarshi o‘ynashdan qatʼiy nazar maydonga g‘alaba uchun tushamiz. Murabbiyning taktik ishlanmalarini o‘yinlarga tatbiq etishga harakat qilamiz.

- O‘g‘lingiz Mustafo ham katta bo‘lsa futbolchi bo‘ladi deb o‘ylaysizmi?
- Hali ancha yosh, sal katta bo‘lsa o‘zidan so‘raymiz. Lekin qiziqishi bor.

“Zamin”ni Telegramʻda oʻqing!