Fazliddin G‘oibnazarov to‘liq 10 raund davom etgan jangda g‘alaba qozondi

^{Foto: «Olamsport»}
Professional boksda faoliyatini davom ettirayotgan Fazliddin G‘oibnazarov (11-1, 6 KO) 2 dekabr, juma kuni Toshkentda o‘tgan boks oqshomida jang qildi.

Musobaqaning asosiy jangida G‘oibnazarovga Jamshid Karimov (10-1, 7 KO) raqib bo‘ldi.

O‘zbekistonlik bokschilar ishtirokidagi jang to‘liq 10 raund davom etdi. G‘oibnazarov ko‘plab raundlarni o‘z foydasiga hal qilishga erishdi. Yakun hakamlar bir ovozdan Fazliddinning g‘alabasini qayd etdi — 99-91, 96-94, 99-91.

Qolgan janglarda quyidagi natijalar qayd etildi:
- Ovannes Bachkov (Armaniston) muddatidan avval Markos Gonsales Barrazani (Meksika) taslim etdi;
- Jono Kerrol (Irlandiya) ochkolar evaziga Jeyms Cherejini (Ruminiya) mag‘lubiyatga uchratdi;
- Mujibullo Tursunov (O‘zbekiston) texnik nokaut evaziga Shohrux Kenjayevni (O‘zbekiston) mag‘lub etdi;
- Nurim Dilshad (Qozog‘iston) ochkolar evaziga Farrux Arslonovni (O‘zbekiston) yutdi;
- Ion Kostin (Ruminiya) texnika nokaut bilan Aleksandr Ionitani (Ruminiya) mag‘lub etdi;
- Islom Mo‘minov (O‘zbekiston) 1-raundda Asilbek Vahobovni (O‘zbekiston) nokautga uchratdi;
- Anvar Turopov (O‘zbekiston) ochkolar hisobiga Asan Mahmudovni (Qozog‘iston) yutdi;
- Suhrob Qayumov (O‘zbekiston) texnik nokaut evaziga Dovud Mahkamovdan (Tojikiston) ustun keldi;
- Bereket Tairov (Qozog‘iston) texnik nokaut bilan Jakipbek uulu Jarkinbekni (Qirg‘iziston) yengdi. “Zamin” yangiliklarini “Odnoklassniki”da kuzatib boring