JCH—2022. Argentina Xorvatiya ustidan yirik hisobda g‘alaba qozondi va finalga yo‘l oldi

Futbol bo‘yicha JCH—2022 yarim finalida Argentina 13 dekabr, seshanba kuni Xorvatiyaga qarshi bahs olib bordi.

O‘yin juda ehtiyotkorlik bilan boshlandi. Jamoalar dastlabki daqiqalarda bir-birini o‘rgandi. 34-daqiqada Xulian Alvares tomonidan ishlangan penaltini Lionel Messi aniq amalga oshirib, hisobni ochdi. 39-daqiqada esa Alvaresning o‘zi ajoyib reyd uyushtirib, hisobni ishonchli ko‘rinishga olib keldi. Birinchi bo‘lim 2:0 hisobida Argentina foydasiga hal bo‘ldi.

Ikkinchi bo‘limda yana xorvatlar to‘pni nazorat qila boshladi. Biroq Lionel Messi 69-daqiqada qanotdan yorib kirdi va Alvaresga to‘pni uzatdi, hujumchi esa qiyinchiliksiz Argentinaning uchinchi golini urdi. Skaloni shogirdlari yirik hisobda g‘alaba qozondi.

Shu tariqa Argentina Qatarda bo‘lib o‘tayotgan mundialning dastlabki finalchisiga aylandi. Finalning ikkinchi ishtirokchisi Fransiya—Marokash bahsida aniqlanadi.

JCH—2022
Yarim final bahsi

Argentina — Xorvatiya 3:0
Gollar: 1:0 – 34 Messi (penalti), 2:0 – 39 Alvares, 3:0 – 69 Alvares.

Argentina: Martines, Molina (Foyt, 86), Otamendi, Romero, Talyafiko, De Pol (Palasios, 74), Mak Allister (Korrea, 86), Paredes (Martines, 62), Fernandes, Messi, Alvares (Dibala, 74).

Xorvatiya: Livakovich, Yuranovich, Lovren, Gvardiol, Sosa (Orshich, 46), Modrich (Maer, 81), Kovachich, Brozovich (Petkovich, 50), Perishich, Pashalich (Vlashich, 46), Kramarich (Livaya, 72).

Ogohlantirishlar: Livakovich (32), Kovachich (32), Romero (68), Otamendi (71). “Zamin” yangiliklarini “Twitter”da kuzatib boring