Argentina nechanchi marotaba mundial finaliga chiqdi? Bu borada rekord qaysi termaga tegishli?

Kecha, 13 dekabr kuni Qatardagi mundial yarim finalidan o‘rin olgan ilk uchrashuv Argentina va Xorvatiya o‘rtasida bo‘lib o‘tdi.

Unda janubiy amerikaliklar ishonchli (3:0) hisobda zafar quchib, 18 dekabr kuni bo‘lib o‘tadigan final yo‘llanmasiga ega chiqishdi.

Umuman Argentina o‘z tarixida 6-marotaba hal qiluvchi bahsda ishtirok etadigan bo‘ldi. Ular bu borada Italiya (4 ta chempionlik) hamda Braziliyaning (5 ta chempionlik, +1950 yil guruh tarzida g‘olib aniqlangan) natijasini takrorlashdi. Finalga chiqish borasida rekord esa Germaniya TJga (4 ta chempionlik) tegishli – 8 ta.

Argentina 1978 hamda 1986 yillarda oltin medallarni qo‘lga kiritgan. 1930, 1990 hamda 2014 yillardagi mundiallarda esa kumush medal sohibi bo‘lgan. “Zamin” yangiliklarini “Youtube”da kuzatib boring