O‘zbekistonlik futbol muxlislariga har qancha yoqimsiz bo‘lmasin, Eldor Shomurodov bir yarim yil ichida ham “Roma”ning asosiy tarkibidan muqim joy egallay olmadi.
Joze Mourino hamyurtimizni hatto o‘rtoqlik uchrashuvlarida ham atigi bir necha daqiqa o‘ynatish bilan kifoyalanmoqda.
Shu bois, aksariyat muxlisu mutaxassislar legionerimiz qishki transferlar vaqtida o‘ziga muntazam o‘yin amaliyoti beradigan klubga ketishi kerak, degan fikrni ilgari surmoqda.
Xaridorlar ko‘p. Shomurodovda tanlash imkoniyati bor. Eldor “Monsa”, “Spetsiya”, “Kremoneze”, “Sampdoriya” kabi autsayderlardan bo‘lgan chorlovlarga e’tibor qaratgani yo‘q. Hozir hamyurtimiz oldida “Sassuolo”, “Fiorentina”, “Torino” kabi Yevrokuboklarga yo‘llanma beradigan o‘rinlar uchun kurashishga qodir klublardan ham taklif turibdi.
Italiya matbuoti o‘zbek hujumchisi Turin klubiga o‘tishni istayotgani haqida ko‘p yozmoqda.
Eldor Shomurodov “Torino”ga o‘tishni istayapti, - deb yozdi Corriere dello Sport nashri.
Nufuzli manbalardan biri https://www.calciomercato.com sayti Turin klubi ham Shomurodov transferiga jiddiy qiziqish bilan qarayotganini ta’kidladi. Manbaning ma’lum qilishicha, o‘zbek hujumchisi borasida “Roma” bilan o‘tkazilgan muzokaralarda “Torino” spot direktori Davide Vagnati shaxsan ishtirok etmoqda.
Shomurodovning Turinga ko‘chib o‘tishiga “Roma” qo‘yayotgan talab to‘sqinlik qilmoqda. Yana bir manba - https://www.pagineromaniste.com saytining yozishicha, 2021 yilning yozida Eldor uchun 18 million yevro to‘lagan rimliklar o‘yinchi transferidan imkon qadar ko‘proq pul ishlab olmoqchi.
Poytaxt klubi sport direktori Tyagu Pinto turinlik hamkasbining ijara va keyinchalik hujumchini sotib olish huquqini berish haqidagi so‘rovini rad etib kelmoqda. Rimliklar Turin klubidan Shomurodov to‘liq sotib olishni va hujumchi uchun 11-12 million yevro to‘lashni talab qilyapti.
“Roma” Shomurodovni so‘ragan barcha xaridorlarga xuddi shu shartni qo‘ymoqda. Ba’zi jamoalar bu talabni ko‘tara olmasligini bilib, Shomurodov uchun kurashdan biroz chekindi.
Shunga qaramay, rimliklarda Eldor transferi bo‘yicha yana bir variant bor. Unga ko‘ra, Tyagu Pinto “Sassuolo”dan Rimga olib kelinishi kerak bo‘lgan Davide Frattezining transferi doirasida Eldor Shomurodovni klublar o‘rtasidagi “oldi-berdi”ga qo‘shishga harakat qilmoqda.
O‘zbekiston milliy terma jamoasi yetakchisi va sardori “Jenoa”dan “Roma”ga ko‘chib o‘tganidan beri jami 48 ta uchrashuvda maydonga tushib, oltitadan gol va assist muallifi bo‘ldi. O‘yinlar soni ko‘pdek ko‘rinsa-da, hamyurtimiz ularning aksariyatida zaxiradan maydonga tushib, bir necha daqiqa o‘ynagan xolos. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Rossiyaga 100 minggacha harbiy yuborishi mumkin
Organizm o‘zini toksinlardan qanday tozalaydi?
Omega-3 qanday qilib ozishga yordam beradi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Buyrak salomatligi uchun eng foydali sabzavot...
