“Spetsiya” tarixidagi eng zo‘r to‘purarlardan biri Franchesko Fiori o‘zi o‘ynagan jamoa rahbariyat qishki transferlar davrida “Roma”dan o‘zbekistonlik hujumchi Eldor Shomurodovni ijaraga olganiga munosabat bildirdi.
Franchesko Fiori faoliyatining eng yuksalgan davrini “Spetsiya”da o‘tkazib, 1999-2004 yillar davomida shu jamoada to‘p tepgan. Chap qanot hujumchisi “Spetsiya” safida jami 105 marotaba maydonga tushib, raqiblar darvozasiga o‘ttizta to‘p kiritgan va jamoadoshlarini sakkiz marta golli pas bilan ta’minlagan.
- Men Eldor Shomurodovni “Jenoa” tarkibidagi o‘yinlarini yaxshi eslayman. O‘shanda u Italiya futboli uchun kashfiyotlardan biri bo‘lgan edi.
Eldorga “Roma”da qiyin bo‘ldi, o‘zini ko‘rsatishiga o‘yin sxemasi salbiy ta’sir qildi, deb o‘ylayman. Joze Mourino qo‘llagan o‘yin uslubida o‘zini ko‘rsatishi ancha qiyin bo‘ldi. Kam o‘ynaganiga raqobatning kuchli ekani ham sabablardan biri.
Shunga qaramay, Rim klubidagi uchrashuvlarda o‘zini yaxshi tomondan ko‘rsata olgan o‘yinlar ham bor.
Uning ijobiy xislatlaridan birinchi navbatda katta tezligi va koordinatsiyasi zo‘rligini ta’kidlash kerak. To‘psiz samarali harakat qilishi ham e’tiborga molik.
- Shomurodov “Spetsiya”ga yordam bera oladimi?
- “Spetsiya” hozir Shomurodov “Jenoa”da o‘ynagan davrda genuyaliklarning futboliga o‘xshash o‘yin ko‘rsatyapti. Ayniqsa, murabbiy almashtirilganidan keyin bu yoqqol sezila boshladi.
Bosh murabbiy Shomurodovni jamoaning asosiy to‘purari Mbala Nzolaga hujum chizig‘idagi sherik sifatida ko‘ryapti. Men ularning birga o‘ynay olishiga umid qilyapman.
Shomurodov qisqa paslar bilan o‘ynashga usta, Nzola keng maydon bo‘ylab harakat qilishni yaxshi uddalaydi.
Ularning ikkisi ham juda tezkor va maydonda bir birini to‘ldirib o‘ynay oladi. Shuni inobatga olib, Shomurodov “Spetsiya” uchun yaxshi variant, - dedi Franchesko Fiori.
Eslatib o‘tamiz, legionerimiz yangi jamoasiga ijaraga o‘tdi. Hamkorlik 30 iyunga qadar davom etadi. Rim klubi spetsiyaliklarga futbolchini transfer qilish huquqini bermadi. Demak, mavsum yakunlanishi bilan Shomurodov poytaxtga qaytadi.
“Spetsiya” hamyurtimiz uchun Italiya chempionatidagi uchinchi jamoa bo‘ldi. Dastlab, “Jenoa”da to‘p tepgan Eldor genuyaliklar safida barcha turnirlarda 32 ta uchrashuvda maydonga tushib, sakkiz marta raqiblar darvozasini ishg‘ol qildi.
Bir mavsumdan keyin “Roma” safiga ko‘chib o‘tgan tajribali hujumchi “bo‘rilar” tarkibida jami 48 ta o‘yinda qatnashib, o‘z hisobiga oltidan gol va assist yozdirib qo‘ydi. Bu bahslarning aksariyatida Eldor zaxiradan o‘yinga qo‘shilib, bir necha daqiqa harakat qilgan xolos.
Shomurodov “Spetsiya”dagi debyut uchrashuvini 5 fevral kuni chempionat peshqadami “Napoli”ga qarshi o‘tkazishi kutilmoqda. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Jo Bayden: “Ba’zan xotinim meni kosmosga jo‘natish bilan tahdid qiladi”
Xatolar va mag‘lubiyatlar... ular kechiriladimi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Apple dongdor ikki ayfonini rasman eskirgan deb e’lon qildi
Endi operatsiyadan so‘ng kesmalar o‘rni ikki barobar tezroq bitishi mumkin
Omega-3 qanday qilib ozishga yordam beradi?
