Stranja—2023. Hasanboy Do‘stmatov va yana 5 o‘zbekistonlik yarim finalda

Bolgariyaning Sofiya shahrida boks bo‘yicha Stranja—2023 musobaqasining beshichi kungi janglari yakunlandi.

24-fevral kuni 10 nafar o‘zbekistonlik bokschi o‘z janglarini o‘tkazdi. Olti nafar O‘zbekiston vakili o‘z janglarini g‘alaba bilan yakunladi va yarim final yo‘llanmasiga ega chiqdi. Abdumalik Halokov, Lazizbek Mullajonov, A’loxon Abdullayev va Madiyor Saidrahimov mag‘lubiyatga uchrab, musobaqadagi yurishini to‘xtatdi.

• Saidaxon Rahmonova (-48 kg) fransiyalik Gloriya D’Ameydani yengdi (5:0);
• Hasanboy Do‘stmatov (-51 kg) irlandiyalik Sean Marini mag‘lub etdi (5:0);
• Abdumalik Halokov (-57 kg) qozog‘istonlik Orazbek Assilkulovga yutqazib qo‘ydi (1:4);
• Havasbek Asadullayev (-75 kg) Avstraliya vakili Kallum Pitersni yutdi (5:0);
• Ruslan Abdullayev (-63,5 kg) va Ozmen Kerem (Turkiya) jangida raqib jarohat sabab jangni davom ettira olmadi. Ruslan 1/2 finalda;
• Mujibillo Tursunov (-63,5 kg) ozarbayjonlik Malik Hasanovdan ustun keldi (4:1);
• A’loxon Abdullayev (-75 kg) qozog‘istonlik Nurkanat Rayisga yengildi (1:4);
• Lazizbek Mullajonov (-92 kg) braziliyalik Keno Machadoga mag‘lub bo‘ldi (2:3);
• Jasurbek Yo‘ldoshev (-80 kg) qozog‘istonlik Bekzad Nurdauletovni yengdi (3:2);
• Madiyor Saidrahimov (-92 kg) Ekvador vakili Xulio Kastilyoga yutqazdi (2:3).

“Zamin” yangiliklarini “Instagram”da kuzatib boring