10:35 / 03.06.2016
5 618

FIFA reytingi. O‘zbekiston MTJ 66-o‘rinda qoldi

FIFA reytingi. O‘zbekiston MTJ 66-o‘rinda qoldi
Bugun FIFA tomonidan terma jamoalar reytingi ma’lum qilindi. Unga ko‘ra O‘zbekiston milliy terma jamoasi bir oy oldingi o‘rnida qolgan va ayni vaqtda 66-pog‘onani egallab turibdi. Bu haqda "Uff.uz" xabar berdi.

Reytingda birinchi pog‘onani hamon Argentina terma jamoasi egallab turibdi. Kuchli uchlikdan shuningdek Belgiya va Kolumbiya terma jamoalari o‘rni olgan. Jahon chempionlari Germaniya terma jamoasi esa to‘rtinchi o‘rinni band qilgan.

Osiyoda eng yaxshi natijani Eron terma jamoasi qayd etmoqda. Eronliklar uch pog‘ona yuqorilashga muvaffaq bo‘lganlar va ayni vaqtda 39-o‘rinni egallab turishibdi. Shuningdek Janubiy Koreya va Yaponiya ham to‘rt pog‘onadan tepaga ko‘tarilishgan va mos tarzda 53 va 59-o‘rinlarni band qilishgan. Avstraliya terma jamoasi bir yo‘la 9 o‘rin pastga tushib ketdi va 59-o‘ringa tushib qoldi. Saudiya Arabistoni esa 5 pog‘ona pastlagan va 64-o‘rinni egallab turibdi.

O‘zbekiston milliy terma jamoasining FIFA reytingidagi o‘rni o‘zgarishsiz qoldi va ayni vaqtda Samvel Babayan shogirdlari 66-o‘rinni egallab turishibdi. Hamyurtlarimiz Osiyoda oltinchi jamoa bo‘lib turishibdi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » FIFA reytingi. O‘zbekiston MTJ 66-o‘rinda qoldi