Italiya A Seriyasidagi joyini saqlab qolish uchun kurashayotgan “Spetsiya” 32-turda o‘z maydonida “Monsa” jamoasini qabul qiladi. Bo‘lajak o‘yinda Leonardo Semplichi shogirdlarini faqat g‘alaba qoniqtiradi. Chunki jamoani xavfli zonadan atigi bir ochko ajratib turibdi.
Agar “Spetsiya” ochko yo‘qotadigan bo‘lsa, eng yaqin ta’qibchiga aylangan “Verona” liguriyaliklardan o‘zib ketishi, Leonardo Semplichi jamoasi xavfli zonaga tushib qolishi mumkin.
“Spetsiya” bosh murabbiyi Leonardo Semplichi uchrashuv oldi matbuot anjumanida ishtirok etib, o‘yin haqida fikr-mulohazalarini bildirdi. Bosh murabbiy Eldor Shomurodov masalasiga ham alohida to‘xtaldi.
O‘tgan o‘yin haqida
“Sampdoriya”ga qarshi bahsdan keyin biroz achchiqlandik. Biz uyga uch ochko bilan qaytishimiz kerak edi. Shunga yarasha o‘yin ko‘rsatgandik. Bellashuvda ko‘p gol bo‘lishi ham mumkin edi. Biz raqibdan ustunlik qilishga urindik. Biz g‘alaba qozonishga loyiq “Spetsiya”ni ko‘rdik. Biz ko‘plab xavfli vaziyatlar yaratyapmiz. Shunga qaramay, ulardan unumli foydalanish darajasini ko‘tarishimiz kerak. Bu g‘alaba uchun zarur.
G‘alaba yetishmayotgani haqida
Agar biz ko‘rsatayotgan o‘yinga e’tibor qaratsak, ko‘proq ochko jamg‘arishga loyiqmiz. Bundan buyog‘iga ham ochkolarimizni ko‘paytirishga harakat qilamiz. Eng muhimi, jamoada mentalitet shakllanmoqda. Har qanday jamoaga qarshi o‘ynay olamiz. O‘yin davomida ko‘proq gol urish imkonini beradigan vaziyatlar yaratish va ulardan unumli foydalanishimiz shart.
Mbala Nzola haqida
Hujum chizig‘ida yo‘qotish borligini aytishga majburman. Asosiy to‘purarimiz Mbala Nzola tarkibda yo‘q. Jarohati bor. Bu futbolchining holatini tibbiyot xodimlari bilan muhokama qilamiz. Safdan chiqqan o‘yinchilar bor. Endi ular qatoriga Daniel Maldini ham qo‘shilgan.
Jamoa o‘yini haqida
Men omad va muvaffaqiyatsizlik, degan narsalarga u qadar ishonmayman. Epizodlar natijani o‘zgartiradi. Shogirdlarim ochko ishlab olish uchun mehnat qilyapti. O‘yindan o‘yinga tayyorgarlimizni kuchaytiprib boryapmiz. Hoircha, harakatlarimiz uch ochko olishga yetmayapti. Kattaroq natija ko‘rsatish yo‘lida ishlayapmiz.
Endi kamroq to‘p o‘tkazib, ko‘proq gol urish payida bo‘lishimiz lozim. Quyi ligaga tushib ketishdan qutilib qolish faqatgina jamoaning o‘ziga bog‘liq emas. Bizlarni qo‘llab-quvvatlab kelayotgan muxlislarning ham hissasi katta bo‘ladi. Ulardan minnatdormiz.
Eldor Shomurodov haqida
Hujum chizig‘ida ikkita variantimiz bor. Men Eldor Shomurodovni qolganlardan yaxshiroq bilaman. “Salernitana” bilan bo‘lgan uchrashuvda gol urganidan keyin men unga yetarli darajada o‘yin amaliyoti bermadim. Shunga qaramay, Shomurodov katta ishtiyoq va alohida e’tibor bilan mashg‘ulotlarda juda ko‘p mehnat qilyapti. Eldor nimalarga qodirligini isbotlashga shaylanmoqda. Bo‘lajak o‘yin arafasida bu muhim tanlov bo‘ladi.
“Monsa” haqida
Bu yaxshi jamoa. Ular shiddatli futbol ko‘rsatyapti. Natijalari ham ijobiy ko‘rinisht olgan. Bu jamoaning murabbiyi kuchli, yaxshi futbolchilari bor, biz ularni bilamiz. Biroq, biz birinchi navbatda, o‘z o‘yinimizga e’tibor qaratishimiz talab qilinadi. Shgirdlarim ulardan nima kutayotganimni yaxshi anglab turibdi. Juma kuni og‘ir o‘yin bo‘ladi. Biz yaxshi o‘yin ko‘rsatib, o‘zimizga kerakli natijani qo‘lga kiritishga umid qilamiz.
Eslatib o‘tamiz, “Spetsiya” va “Monsa” o‘rtasidagi uchrashuv 28 aprel kuni Toshkent vaqti bilan 23:45 da boshlanadi.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
Rashida Tolib Kongress a’zolariga «achchiq haqiqat»ning suratini ko‘rsatdi
Shimoliy Koreya Rossiyaga uzoqqa zarba beruvchi qurollar yubordi
Ijtimoiy tarmoqlar davrida ruhiy salomatlikni qanday saqlash mumkin?
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
KXDR Rossiyaga 100 minggacha harbiy yuborishi mumkin
Eron AQSHdan 1 trln dollar kompensatsiya talab qildi
Turkiya Isroil prezidenti samolyotini havo hududiga kiritmadi
