“Spetsiya” A Seriyaning 32-turida o‘z maydonida “Monsa” jamoasini qabul qiladi. “Alberto Pikko” arenasida bo‘ladigan uchrashuv liguriyaliklar uchun juda muhim ahamiyatga ega. Shunga qaramay, Leonardo Semplichi oldida tarkib tanlash borasida muammo yuzaga kelgan.
Mezbonlarning asosiy hujumchisi Mbala Nzola jismoniy holati tufayli o‘yinda ishtirok etmaydi. Boshlang‘ich tarkibdan muqim joy egallay boshlagan Daniel Maldini uchun mavsum erta tugagani aytilmoqda.
Leonardo Semplichi oldida “Monsa”ga qarshi bahsda markaziy hujumchi sifatida ikki o‘yinchidan birini tanlash varianti bor xolos. Ulardan biri Italiya futbolida uchinchi yilini o‘tkazayotgan Eldor Shomurodov, ikkinchisi yanvarda olib kelingan va hali A Seriya tempiga moslasha olmagan Raymonds Krollis.
Italiya futbolini yoritib borayotgan manbalar bo‘lajak bahsda Semplichi o‘zbek hujumchisi xizmatidan foydalanishini ta’kidlamoqda. Xususan, “Spetsiya” o‘yinlarini yoritishga ixtisoslashgan cittadellaspezia.com sayti jurnalisti Andrea Belotti Eldor Shomurodov faoliyatidagi ajoyib ma’lumotga e’tibor qaratdi.
Ma’lumki, hamyurtimizning 2020 yil oktyabridan beri A Seriyada porlagan davri “Jenoa”da o‘ynagan mavsumning oxiriga to‘g‘ri keladi. Eldor 2021 yilning 24 aprelidan 22 mayigacha to‘purarlik mahoratini namoyish qilgan va ana o‘sha bir oy davomidagi sermahsul o‘yini tufayli katta klublar, jumladan, “Roma” e’tiboriga tushgan edi.
Andrea Bonatti o‘z maqolasida aynan mana shu davrni qalamga oldi.
- O‘zbek hujumchisiga haqiqiy kuchini ko‘rsatadigan davr keldi. U “Salernitana”ga qarshi bahsda mashhur darvozabon Gilermo Ochoani ojiz qoldirganidan tashqari, hozirgacha nimalarga qodirligini namoyish qilgani yo‘q.
Shomurodov “Jenoa” uchun uran sakkizta golidan beshtasini 2021 yilgi mavsumning oxirgi bir oyi ichida kiritganiga e’tibor qaratish lozim. O‘shanda o‘zbek legioneri oltita bahsda beshta gol urgan va umumiy hisobda jamoasiga 9 ochko olib kelgan edi. Bu ochkolarsiz “Jenoa” 11-pog‘onani egallay olmasdi.
Eldorning oldida yana oltita o‘yin turibdi. Bu bahslarda u joriy mavsumni o‘z foydasiga yozdirib qo‘yishi mumkin. Genuya klubida bo‘lgani kabi “Spetsiya”da ham iz qoldirish uchun Eldor jamoadoshi Mbala Nzolaning yo‘qligini bildirmasligi kerak. Chunki angolalik to‘purar muhim uchrashuvlar oldidan safdan chiqdi. O‘yin natijasini o‘zgartirishga qodir futbolchini yo‘qotish Leonardo Semplichiga qo‘shimcha muammo tug‘diradi, - deb yozdi Andrea Bonatti.
Ta’kidlash joizki, “Monsa” klubi rahbariyati o‘tgan ikkita transfer oynasi vaqtida Eldor Shomurodovga jiddiy qiziqish bildirgandi. Biroq, hujumchimiz bu variantni ma’qullamadi.
“Spetsiya” va “Monsa” o‘rtasidagi uchrashuv 28 aprel kuni Toshkent vaqti bilan soat 23:45 da boshlanadi.
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
Rashida Tolib Kongress a’zolariga «achchiq haqiqat»ning suratini ko‘rsatdi
Shimoliy Koreya Rossiyaga uzoqqa zarba beruvchi qurollar yubordi
Ijtimoiy tarmoqlar davrida ruhiy salomatlikni qanday saqlash mumkin?
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
KXDR Rossiyaga 100 minggacha harbiy yuborishi mumkin
Eron AQSHdan 1 trln dollar kompensatsiya talab qildi
Turkiya Isroil prezidenti samolyotini havo hududiga kiritmadi
