UFC 288. Aljameyn Sterling Sexudoni yengib, kamarini saqlab qoldi

AQSHning Nyu-Jersi shtatida O‘zbekiston vaqti bilan 7-may tongida UFC 288 musobaqasi bo‘lib o‘tdi.

MMA oqshomining asosiy jangi o‘ta yengil vazn toifasi chempioni Aljameyn Sterling va sobiq chempion Genri Sexudo o‘rtasida kechdi. Jang 5 raund to‘liq davom etdi va hakamlarning farqli qarori bilan Sterling g‘olib deb topildi.

Shu tariqa Aljameyn o‘z kamarini muvaffaqiyatli himoya qildi. Uch yillik tanaffusdan so‘ng oktagonga qaytgan Sexudo mag‘lubiyatni qabul qilib oldi.

UFC 288 natijalari:

Asosiy kard

• Aljameyn Sterling ochkolar evaziga Genri Sexudoni yengdi;
• Bilol Muhammad ochkolar evaziga Gilbert Byornsni yutdi;
• Yan Syaonan 1-raundda Jessika Andradeni nokaut qildi;
• Movsar Yevloyev ochkolar evaziga Brays Mitchellni yengdi;
• Charlz Jurdan ochkolar evaziga Kron Greysni yutdi.

Prelim kard

• Mett Frevola 1-raundda Dryu Doberni nokaut qildi;
• Kennedi Nzechukvu 2-raundda Devin Klark sabmishen bilan yutdi;
• Kalin Uilyams ochkolar evaziga Rolando Bedoyani yengdi;
• Virna Yandiroba ochkolar evaziga Marina Rodrigesni yutdi;
• Parker Porter 1-raundda Brakston Smitni nokaut qildi;
• Ikram Aliskerov 1-raundda Fil Housni nokautga uchratdi;
• Klaudio Ribeyro 2-raundda Jozef Holmsni nokaut qildi.

“Zamin” yangiliklarini “Youtube”da kuzatib boring