22:56 / 16.06.2016
4 480

Fransiya: madaniyat, moda, oshxona va futbol

Fransiya: madaniyat, moda, oshxona va futbol
Bundan 350 yil avval Fransua de Laroshfuko "Fransiyada hamma narsa bo‘lishi mumkin" deb aytib ketgandi. Bu haqda "Fut.uz" xabar berdi.

Darhaqiqat shunday ekan. Mamlakat madaniyatga, moda, oshxona san’ati va futbolga juda katta e’tibor qaratmoqda.

Ushbu davlatning maydoni 552 ming km kv hisoblanadi. Aholisining soni 66 million kishidan ziyod. Valyutasi - evro.

"Bu erda hamma narsa bo‘lishi mumkin", deb yozishgan XVII asradayoq. Fransuzlarning o‘zlari vatanlarini "Oltiqirra" deb atashadi. Darhaqiqat, bu davlat Janubiy va Shimoliy Evropaning chegarasida joylashgan. Atrofida ettita davlat bilan chegaradosh hisoblanadi. Bundan tashqari La-Mansh bo‘g‘ozi ham shu mamlakat bilan yonma-yon joylashgan.

Aynan shu erlarda - qaynab turgan "qozon"da dunyoning faylasuflari, madaniy va badiiy arboblari dunyoga kelgan. Mana shu jozibadorlik va ochiqlik mamlakatga kulfatlarni ham keltirib chiqardi. Bu yurt juda ko‘p urush va qirg‘inlarni boshidan o‘tkazdi.

Fransiya dunyoga bir qator buyuk madaniyat, sport, fan va siyosat arboblarini etishtirib chiqardi. Sharl de Goll respublikachilarning ajoyib naminasi bo‘lgan. Viktor Gyugo, Jan-Jak Russo, Volter va Jan-Pol Sartrlar romantik adabiyotning vakillari bo‘lishgan. Pol Sezann va Klod Mone kabi rassomlar alohida mavzu.

Eng muhimi yirik sport musobaqalari - Olimpiada o‘yinlari, futbol bo‘yicha Jahon va Evropa chempionatlari, Evropa Chempionlar ligasining ildizlari shu yurtga kelib taqaladi.

Taomlar... nimadan boshlashni ham bilmaydi, kishi. Fransiyaning alohida xududlariga to‘xtalib o‘tmasdan shunchaki "bon appetit" iborasidan boshlasak bo‘ladi. Fransiyaning oshxonasi xuddi boy tabiati kabi egulikka to‘ladir. Fua-gra, kassule, shukrut, buyabes, andulet ... bu nomlarni anchagacha keltirish mumkin.

Fransiyada eng keng tarqalgan va mashhur sport turi bu - futboldir. Bu erda qariyb 2 milliondan ziyod lisenziyaga ega futbolchilar bor. Bundan tashqari, mamlakatda boy sport an’analari saqlanib qolgan. Regbi bo‘yicha Fransiya termasi 2011 yilda kumush medalni qo‘lga kiritgan.

Gandbol bo‘yicha Olimpiya chempioni hisoblanishadi. Doimiy ravishda yuqori saviyali basketbolchilar, velo va motopoygachilarni etishtirib chiqaradi. Tennis bo‘yicha "Rolan Garros" musobaqasini aytmasa ham bo‘ladi. Har yili o‘tkaziladigan "Tur de Frans" velopoygasida 12 million muxlis yig‘iladi.

Futbol bo‘yicha Fransiya chempionati 1932/33 mavsumda professional bosqichga qadam qo‘ydi. "Reyms" jamoasi finalgacha etib borib, faqatgina "Real"ga imkoniyatni boy bergan.

Birinchi Evrokubokni 1993 yilda "Olimpik" jamoasi qo‘lga kiritgandi. O‘shada "Milan" jamoasi tasliq qilingan. XXI asrning birinchi o‘n yilligida "Lion" jamoasi etti marotaba Fransiya chempionatini yutib olgan.

Fransiya futboli hech qachon mashhur o‘yinchilar tanqisligiga uchramagan. Bu erda Dide Desham, Jan-Per Papen, Jyust Fonten, Lilian Tyuram, Zayniddin Zidan ... nomlarni juda ko‘p keltirish mumkin.

Ammo, uchta nom borki ular hamisha eng mashhurlar sifatida tilga olinaveradi. Ular Jyust Fonten, Raymon Kopa va Mishel Platinilardir. Ular so‘ng takrorlanmas Zizu tilga olinadi.

Mana shunday davlatda Evro musobaqasi davom etmoqda va va qizg‘in pallaga kirib ulgurdi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Fransiya: madaniyat, moda, oshxona va futbol