Legioner sifatida ilk mavsumini “Torpedo” safida Rossiya Premer-ligasida o‘tkazgan iste’dodli futbolchimiz Hojimat Erkinov jamoasini yuqori divizionda saqlab qolishga yordam bera olmadi.
“Paxtakor” tarbiyalanuvchisi bo‘lgan 22 yoshli futbolchi bir yil muqaddam 150 ming yevro evaziga Premer-liga debyutanti – Moksvaning “Torpedo” jamoasi safiga ko‘chib o‘tgan edi. Biroq, poytaxtliklarning yuqori divizion jamoalari bilan raqobatga kuchi yetmadi, musobaqa jadvalida so‘nggi pog‘onani egallagan “Torpedo” birinchi ligaga tushib ketdi.
Hojimat Erkinovning “Torpedo” bilan shartnomasi 2025 yilning 30 iyunigacha imzolangan. Hamyurtimiz aslida moskvaliklarga tezroq yuqori divizionga qaytishiga yordam berish niyatida edi.
Hujumkor futbolchimiz yaqinda rossiyalik jurnalistlarga bu haqda shunday dedi:
- “Torpedo” kelasi mavsum Rossiya Premer-ligasiga qaytishga qodir. Bu ish qo‘limizdan keladi, deb o‘ylayman. Men birinchi liganing darajasini bilmayman. Chunki hech qachon u ligada o‘ynamaganman. Lekin Premer-ligadan nimasi bilandir farq qilsa kerak, degan fikrim bor. Bir mavsumda yana Premer-ligaga qaytish uchun qo‘limizdan kelganini qilishga urinib ko‘ramiz. Bu ham biz uchun qiziq chorlov bo‘ladi.
Endi hujumchimiz atrofidagi vaziyat o‘zgardi. Bu haqda nufuzli manba – Rossiyaning championat.com sayti ma’lumot tarqatdi.
Erkinov oldida uchta variant bor. “Torpedo” uning qarorini kutmoqda. Jamoadagilar legioner kelasi mavsumni “oq-qoralar” safida o‘tkazishidan manfaatdor, - deb yozdi championat.com sayti klubdagi manbasiga tayanib.
Manbaga ko‘ra, Erkinovda O‘zbekiston Superligasida chempionlikni talashayotgan jamoalar – “Paxtakor” va “Navbahor” ijaraga olishga harakat qilmoqda.
Bundan tashqari, futbolchimiz oldida faoliyatini Yevropa tomonlarda, aniqrog‘i, Minskning “Dinamo” jamoasida davom ettirish imkoniyati bor.
Minsk klubi rahbariyati Hojimat Erkinov ijara asosida o‘ynab, “Dinamo”ning Belarus chempioni bo‘lishiga yordam berishini istayapti.
E’tiborli tomoni shundaki, “Dinamo-Minsk” joriy chempionatda 11 ta uchrashuvda 28 ochko jamg‘arib, musbaqa jadvalida yakkapeshqadam bo‘lib turibdi.
Belarus chempionatida bu mavsum O‘zbekistondan uch nafar futbolchi ishtirok etmoqda. Xususan, Shahzod Ubaydullayev Soligorskning “Shaxtyor” jamoasi sharafini himoya qilmoqda. O‘zbekiston milliy terma jamoasiga jalb qilina boshlagan Abdulqodir Husanov va yosh hujumchi Amirbek Bakayev “Energetik-BGU” vakillari hisoblanadi.
Endi Hojimat Erkinov tez orada bir qarorga kelishi talab etiladi. Iste’dodli o‘yinchimiz o‘tgan mavsumda Rossiya Premer-ligasi va mamlakat kubogi doirasida jami 24 ta uchrashuvda qatnashib, bitta assist qayd etdi.
Transfermarkt portali O‘zbekiston milliy terma jamoasi a’zosini 500 ming yevroga baholamoqda.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xitoy qit’alararo ballistik raketani ilk bor ommaviy sinovdan o‘tkazdi
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Shvetsiya Eronni Qur’on yoqib yuborilgani uchun qasos olganlikda ayblamoqda
Hindiston BMTni isloh qilishga chaqirdi
Diyetolog qanday qilib non iste’mol qilmasdan qisqa vaqtda ozish mumkinligini aytdi
Tramp Zelenskiyning AQSHga tashrifi chog‘ida u bilan uchrashishdan bosh tortdi
Tramp: Rossiya Gitler va Napoleonni mag‘lub etgan, Moskva mag‘lubiyatini kutishning hojati yo‘q
Kuniga nechta olma yeyish mumkin? Ommabop mevaning zararli xususiyatlari
