"Barselona" Ispaniya chempionatining 25-tur bahsini safarda o‘tkazdi va "Granada" ustidan g‘alaba qozondi. Kataloniyaliklar bu o‘yinda katta kuch bilan o‘ynashmadi. Shunchaki mahorat evaziga g‘alaba qozonishdi.
O‘yin tempi unchalik yuqori bo‘lmadi. Messi va Neymar o‘z darajasida o‘yin ko‘rsatishmadi. Ivan Rakitich va Luis Suares esa yaxshi o‘ynashdi. "Barsa"ning gollari ham bu ikki futbolchi faolligi evaziga yuzaga keldi. O‘yinning 25-daqiqasida Alba uzatmasidan so‘ng Suaresni jarima maydonchasiga ichiga o‘tkir burchak ostida zarba yo‘lladi. Himoyachi esa to‘pni qaytardi, ammo Rakitich osongina darvozani ishg‘ol qildi.
Ikkinchi bo‘limning boshida Suares Rakitich bilan "devor" o‘ynab, o‘ng qanotdan jarima maydonchasiga kirib keldi va birga bir vaziyatda darvozani ishg‘ol qildi. Oradan 3 daqiqa o‘tib, Bartraning qo‘polligi evaziga "Barselona" darvozasiga penalti belgilandi va hisob qisqardi. Ushbu gol kataloniyaliklarning xotirjamligiga chek qo‘ydi. O‘yin tugashiga 20 daqiqa qolganida Rakitich yana Suaresni darvozabon bilan birga bir vaziyatga chiqardi. Urugvaylik futbolchi darvozabonni aldab o‘tdi va o‘zi bemalol darvozani ishg‘ol qilishi mumkin bo‘lgan vaziyatda to‘pni Messiga berdi. Leo bo‘sh darvozani muammosiz ishg‘ol qildi.
Shundan so‘ng ham Neymar, Messi va Pedroda bir qancha golli vaziyatlar bo‘ldi, ammo ular imkoniyatdan foydalana olishmadi.
Shu tariqa, "Barsa" va peshqadam "Real" ochkolari orasida bir ochkolik farq qoldi. Madridliklar ertaga o‘z maydonlarida "Vilyarreal"ni qabul qilishadi.
Ispaniya chempionati, 25-tur
Granada – Barselona 1:3 (0:1, 1:2)
Gollar: 0:1 – 25 Rakitich, 0:2 – 48 Suares, 1:2 – 53, penalti Riko, 1:3 – 70 Messi.
Granada – Olasabal, Kala, Baben, Fulke, Nom, Markes (Rochina, 67), Iturra, Ibanes, Riko, Bangura (Kandeyash, 79), Kordoba (Saksess, 78).
Barselona – Bravo, Dani Alves, Bartra, Alba, Mate (Buskets, 75), Xavi (Rafinya, 65), Maskerano, Rakitich, Neymar, Messi, Suares (Pedro, 79).
Ogohlantirishlar: Markes (3), Suares (15), Neymar (55), Mate (58).
Manba: www.stadion.uz. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Zelenskiy Putin borasida bayonot berdi: “Tinchlikni istaganlar yuziga tupurmoqda”
22 noyabr kuni Cobalt avtomobiliga shartnoma ochilishi e’lon qilindi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Shavkat Mirziyoyev Rossiya bosh prokurori bilan uchrashuv o‘tkazdi
