U-23 Osiyo Kubogi saralashi doirasidagi birinchi tur uchrashuvidan keyin O‘zbekiston U-23 terma jamoasi futbolchisi Husayn Norchayev o‘z fikrlari bilan o‘rtoqlashdi.
- O‘yin haqida
- O‘zoq kutilgan o‘yin. Jamoamda o‘yin amaliyotisiz qolib ketayotgan edim. Terma jamoada o‘zimni ko‘rsatishga imkon bo‘ldi. Birinchi o‘yinda yaxshi o‘ynadik. Bundan keyingi o‘yinlarda ham yaxshi harakat qilamiz deb o‘ylayman.
- Birinchi bo‘limdan so‘ng murabbiylar qanday ko‘rsatmalar berishdi?
- Ikkinchi taymda raqib charchab qoldi deb o‘ylayman. Murabbiylar bizdan ko‘proq qanotlardan hujum qilishimizni so‘rashdi. Bu bizga ko‘p foyda berdi.
- Bugun uchta gol urdingiz. Taassurotlar qanday bo‘ldi? Golni nishonlashingiz ham o‘zgacha tarzda bo‘ldi...
- Bugun stadionga oilam tashrif buyurgandi. Gollarimni otam va onamga bag‘ishladim.
- Eronga qarshi o‘yindan nimalar kutyasiz?
- Ko‘proq gol urib, jamoamga yordam bermoqchiman. O‘zimizning eng yaxshi o‘yinimizni ko‘rsatib Osiyo kubogiga chiqishga harakat qilamiz.
- Eron jamoasini kuzatdinglarmi? Bu jamoa haqida qanday fikrdasiz?
- Hozircha bu jamoani murabbiylarimiz kuzatib borishmoqda. Keyingi o‘yinimiz Gongkongga qarshi. Ushbu o‘yinda g‘alaba qozonib, undan so‘ng Eron bilan o‘yinga tayyorgarlikni boshlaymiz.
“Zamin” yangiliklarini “Facebook”da kuzatib boring
