“Paxtakor” safarda “Al-Ayn” bilan bahs olib bordi. Uchrashuvning 18-daqiqasida Elsa Halfan hisobni ochdi. Birinchi bo‘lim BAA klubi foydasiga hal bo‘ldi. Ikkinchi bo‘limda “sherlar” birin-ketin gollarni ura boshladi.
Dastlab, 55-daqiqada Hojimat Erkinov o‘z hisobiga gol yozdirgan bo‘lsa, 61-daqiqada Hojimat ikkinchi bor darvozani ishg‘ol qildi. 78-daqiqada Dragan Cheran ham gol urdi. Qolgan daqiqalarda gol urilmadi va “Paxtakor” g‘alaba qozondi.
Ushbu g‘alabadan so‘ng “Paxtakor” ochkolari sonini 7 taga yetkazdi va A guruhida 2-o‘rinni egallab turibdi.
“Al-Ayn” – “Paxtakor” 1:3
Gollar: 1:0 — 18 Halfan, 1:1 — 55 Erkinov, 1:2 — 61 Erkinov, 1:3 — 78 Cheran.
“Al-Ayn”: 1. Muhammad Bu Sanda, 4. Muhammad Ali Shokir, 8. Muhammad al-Balushi, 10. Alexandro Romero, 11. Bandar al-Ahbobi, 27. Sulton al-Shamsi (20. Matias Palasios, 62), 40. Holid Ali al-Balushi, 42. Jonatas Santos, 66. Mansur Said (16. Holid al-Hoshimi,62), 70. Alen Traore, 90. Eysa Halfan (99. Josna Loulendo, 66).
“Paxtakor”: 36. Pavel Pavlyuchenko, 88. Shahzod Azmiddinov, 5. Muhammadqodir Hamraliyev, 34. Farrux Sayfiyev, 77. Dilshod Saitov, 27. Sardor Sobirxo‘jayev, 28. Diyor Xolmatov, 2. Behruzbek Asqarov, 8. Azizbek Turg‘unboyev, 20. Hojimat Erkinov, 10. Dragan Cheran.
Ogohlantirishlar: Shahzod Azmiddinov (10), Mansur Said (19), Behruz Asqarov (45+2), Josna Loulendo (69).
“Zamin” yangiliklarini “Twitter”da kuzatib boring
