"Al Ayn" 3:1 hisobida mag‘lub etilgan bahsdan keyin Maksim Shatskix va o‘yinning eng yaxshi futbolchisi Hojimat Erkinov matbuot anjumanida ishtirok etdi.
Maksim Shatskix: - Jamoalar yaxshi o‘ynagan futbolga guvoh bo‘ldik. Hujumkor va muxlislarga yoqadigan o‘yin bo‘ldi deb o‘ylayman. Biz bellashuvni nazorat qildik. G‘alaba qozonishimiz zarur edi va unga erishdik. Yigitlarning o‘yinidan to‘liq qoniqish hosil qildim. "Al Ayn" tarkibida o‘zgarishlar bo‘lishini bilgandik. Ular ikki kun avval chempionatda muhim uchrashuvda maydonga tushishgandi. Ikkinchi bo‘limda sur’atni oshirdik va uchta gol bilan g‘alaba qozondik.
Hojimat Erkinov: - Imkoniyatni saqlab qolish uchun yutishimiz kerak edi. Birinchi gol o‘tkazib yuborgan bo‘lsak-da, keyin o‘yinga qayta oldik. Ko‘plab hujumlar uyushtirib, uchta to‘p kiritdik. Ishqibozlarni xursand etdik. Imkoniyat bor va undan foydalanishga urinamiz.
“Zamin” yangiliklarini “Vkontakti”da kuzatib boring
