OCHLning guruh bosqichi 6-turi doirasida "Mumbay Siti"ga qarshi uchrashuv oldidan "Navbahor" bosh murabbiyi Samvel Babayan hamda futbolchi Shodiyor Shodiboyev fikrlarini bildirdi.
Samvel Babayan: - Ertaga bizni guruhdagi so‘nggi uchrashuv kutib turibdi. OCHL - biz uchun o‘zgacha turnr va uning uchrashuvlari alohida ahamiyat kasb etadi. Istalgan jamoa bir uchrashuvda yetarlicha darajada yaxshi o‘ynashi mumkin.
"Navbahor" o‘z vazifasini bajarish uchun harakat qiladi. Biroq "Mumbay Siti" ham tez rivoj topayotgan jamoa. Yaxshi murabbiylar shtabi ishlaydi, sifatli futbolchilari, legionerlari, terma jamoa a’zolari bor. Ertangi uchrashuvda bor kuchimiz bilan harakat qilib, kerakli natijani qo‘lga kiritish uchun o‘ynaymiz.
Shodiyor Shodiboyev: - Kayfiyat yaxshi, ertaga kuchli o‘yin bo‘ladi. Guruh bosqichini yaxshi saviyada yakunlashga harakat qilamiz.
Samvel Babayan: - Ilk navbatda, bizning ikki futbolchimiz diskvalifikatsiya qilingan. Ikkinchi turda "Mumbay Siti"ga qarshi o‘yindan keyin bizda ishonch ortdi. O‘shanda raqib sifatli futbol namoyish qilgandi. O‘tgan turlar davomida ushbu jamoaning o‘yini menga yoqdi. Jamoada futbol falsafasi, sifat bor. Ertangi uchrashuv oldidan jamoada ruhiy bosim yo‘q.
Saudiya Arabistonida yuqori namlikda, juda issiq havoda o‘ynagandik. Shu sababli hozirgi havoga ham moslashish kerak.
Umuman olganda "Mumbay Siti"ning o‘ziga hos ustunliklari bor. Birinchidan shuni aytishim kerakki, jamoaning legionerlari OCHLning o‘tgan turida dam olishdi. Ular ruhan ushbu uchrashuvga tayyorlanishdi va natija uchun harakat qilishadi. Bizga keladigan bo‘lsak, jamoamiz guruh bosqichidan chiqishi kerak, shu sababli yigitlar o‘yinga boshqacha yo‘nalishda tayyorlanishgan va ular o‘yinning qanchalik muhimligini tushunib turishibdi. O‘yin barcha tomondan qiziq bo‘ladi. Har qanaqa nyuanslarni chetga surib, chiroyli futbol namoyish qilishga harakat qilamiz.
“Zamin” yangiliklarini “Instagram”da kuzatib boring
