207
Temur Chogadze: "Katta pullarni emas, "Nasaf" bilan chempionlik uchun kurashishni tanladim"
Qarshining "Nasaf" jamoasi qishki transferlar oynasida faol tarzda seleksiya ishlarini olib bormoqda.
"Ajdarlar" kecha gruziyalik vinger Temur Chogadze bilan shartnoma imzoladi. O‘tgan mavsumni Qozog‘istonning "Shaxtyor" klubida o‘tkazgan futbolchi endilikda "Nasaf" klubida to‘p tepadi. Futbolchi yangi klubidagi ilk taassurotlari bilan o‘rtoqlashdi.
— Dekabr oyida "Nasaf"dan taklif oldim. Agentim bu taklif ustida ishladi va Shahboz Beg‘amov "Nasaf"dan qiziqishlar borligini aytdi. Bu Osiyodagi eng yaxshi klub. Qarshi klubida akam va do‘stim Jaba Jigauri to‘p tepadi. Taklif tushganda u bilan maslahatlashdim. Yana boshqalardan ham klub haqida so‘raganimda murabbiy kuchli ekanligini, top jamoa ekanligini aytishdi. Jamoada do‘stlar ochiq kayfiyatda qarshi oldi. Boy tarixga ega jamoaga keldim.
— Qozog‘istondan 3ta, O‘zbekistondan 2ta jamoadan taklif bo‘lgan. Lekin agentim boshqa takliflarni ko‘rib chiqishning hojati yo‘qligini ma’lum qildi. Menda moliyaviy jihatdan boshqalarga qaraganda yaxshiroq chorlovlar bor edi. Lekin men katta pullarni emas, "Nasaf" bilan chempionlik uchun kurashishni tanladim. Qozog‘istonda o‘ynab yurgan paytimdayoq O‘zbekistonni o‘rganib qo‘yish foydadan holi bo‘lmasligini bilganman. Eng muhimi murabbiyning menga bildirayotgan ishonchi. Ro‘ziqul Berdiyev O‘zbekistondagi kuchli murabbiy. Hattoki, Osiyoda ham o‘z mavqeiga ega.
Yangi jamoamda 22-raqamda o‘ynashni ko‘zlamoqdaman. Qanday raqam bo‘lishidan qat’iy nazar, bor kuchimni ishga solaman.
— O‘zbekiston va Gruziyaning madaniyati, iqlimi o‘xshash. Shuning uchun ham bu yerda gruziyalik futbolchilar moslashishda qiynalishmaydi. Superliga Markaziy Osiyodagi eng kuchli liga hisoblanadi.
Muallif: Iskandarov Abdulaziz
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
Gretsiyada minglab odamlar NATOga qarshi namoyish o‘tkazdi
Germaniya razvedkasi rahbari: “Rossiya yaqin yillarda NATOga hujum qilishi mumkin”
Medvedev Rossiya NATO harbiy bazalariga zarba yo‘llashi mumkinligini istisno qilmadi
Eron Isroil bilan keng ko‘lamli urushga tayyorligini ma’lum qildi
100 mln so‘mgacha bo‘lgan kreditlar soddalashtirilgan tartibda ajratiladi
Bosh kiyimsiz yurishning organizmga qanday ta’siri bor?
Organizmda qaysi turdagi vitamin yetishmayotganini qanday aniqlash mumkin?
