Xabaringiz bor, ayni vaqtda Bolgariyaning Sofiya shahrida “Stranja” turniri davom etmoqda. -63,5 kg vazn toifasida yosh iqtidor egasi Adhamjon Muhiddinov yurtimiz sharafini himoya qilmoqda va muvaffaqiyatli odimlayotganligini ham aytib o‘tishimiz joiz. Biz Athamjon bilan bog‘lanib, u bilan qisqacha suhbatda bo‘ldik.
- Adhamjon "Stranja" turniri haqida qanday fikrdasiz?
- Assalomu alaykum. “Stranja” barchaga ma’lumki, kichik jahon chempionati deb ham nomlanadi. Ko‘p davlatlar kuchli tarkib bilan ishtirok etadi. Shuning uchun bu yerda oson janglar bo‘lmaydi. O‘zingizni nimalarga qodir ekanligingizni bilib olasiz va o‘ziga xos tajriba ham beradi. Qisqa qilib aytganda anchagina nufuzli turnir hisoblanadi.
- Jismoniy holatingiz borasida nima deya olasiz? Ideal "forma"damisiz?
- Jismoniy holatim Allohga shukur a’lo darajada. O‘ylaymanki, bu o‘zining natijasini beradi.
- Kechagi jangingizda 1-raunddan so‘ng burningiz sinibdi. Keyingi jangda ishtirok eta olasizmi?
- Ha, kecha Irlandiya vakili bilan o‘tkazgan birinchi jangimning birinchi raundida boshlar to‘qnashib, jarohat oldim. Lekin bu maqsad yo‘lida to‘sqin bo‘la olmaydi. Keyingi jangim 9 fevral kuni bo‘ladi. Ungacha terma jamoa doktori Dilshod aka yordamida tiklanib olaman.
- 63,5 kg vazn baribir siz uchun yangi toifa... Garchi, mamlakat chempionatida shu vaznda harakat qilgan bo‘lsangiz ham. Aytingchi, o‘zingizni qulay his qilyapsizmi bu vaznda va vaznni ko‘tarishingizga sabab nima bo‘ldi?
- 63,5 kgda o‘zimni yaxshi his qilyapman, bu vaznga o‘tishim avvalo, Olimpiadadan o‘rin olgani va jismoniy taraflama o‘zimni yaxshi his qilayotganligim sababli bo‘ldi. Shuningdek, ortiqcha vazn tashlamasligim tufayli ham bu vazn men uchun qulay.
- “Stranja" turnirida siz uchun jiddiy raqiblar sifatida kimlarni ko‘ryapsiz?
- Raqiblarimizning hammasini o‘ziga xos kuchli taraflari bor. U kuchli yoki bu kuchli deya olmayman. Nazarimda kimning xohishi yuqori bo‘lsa, o‘sha g‘alaba qozonadi.
- 63,5 kgda baribir O‘zbekiston miqiyosida ham jiddiy raqobat mavjud. Bu sizga motivatsiya beradimi?
- Albatta, raqobat kuchli va tajribali bokschilar bor. Ruslan Abdullayev, Mujibillo Tursunovlarni aytib o‘tishimiz mumkin. Shubhasiz, motivatsiya beradi. Kuchli raqobat bor joyda inson yuksaladi. Tajriba va shijoat oshadi.
- Adhamjon vaqt ajratganingiz uchun rahmat va keyingi janglaringizda ham omad yor bo‘lsin!
- Rahmat. Qo‘llab-quvatlab, duoda bo‘lsanglar turnir g‘olibi bo‘lishga astoydil harakat qilaman. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Slovakiya bosh vaziri Putinning taklifini qabul qildi
O‘zbekistonda onkologik kasallikka chalingan ayollar bepul davolanadi
Endi «Doimiy yashash joyiga ro‘yxatga qo‘yish» qulaylashdi (video)
Medvedev Rossiya NATO harbiy bazalariga zarba yo‘llashi mumkinligini istisno qilmadi
Organizmda qaysi turdagi vitamin yetishmayotganini qanday aniqlash mumkin?
Bosh kiyimsiz yurishning organizmga qanday ta’siri bor?
Gretsiyada minglab odamlar NATOga qarshi namoyish o‘tkazdi
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
