Rossiya Premer-ligasi klublari mavsumning ikkinchi yarmiga qizg‘in tayyorgarlik ko‘rmoqda. Mart oyining boshidan chempionatning 19-tur uchrashuvlariga start beriladi.
O‘zbekistonlik futbol ishqibozlari birinchi navbatda Moskvaning SSKA klubi va uning 20 yoshli yetakchisi Abbosbek Fayzullayevga ga muxlislik qiladi. Shuningdek, ikki nafar legionerimiz – Rustam Ashurmatov va Umarali Rahmonaliyev to‘p tepayotgan Qozonning “Rubin” jamoasi ham muxlislarimiz e’tiborida bo‘ladi.
Chempionatning birinchi yarmida biz muxlislik qiladigan har ikki klub ham 28 tadan ochko jamg‘arib, musobaqa jadvalida ketma-ket yettinchi va sakkizinchi pog‘onalarni egallagan. Premer-liganing qolgan o‘yinlarida ular ko‘proq ochko jamg‘arib, imkon qadar yuqori ko‘tarilishga urinib ko‘radi.
Ko‘pchilikni mavsumning birinchi qismida asosiy kashfiyot sifatida e’tirof etilgan Abbosbek Fayzullayev chempionatning qolgan o‘yinlarini qay darajada o‘tkazishi qiziqtirmoqda. Legionerimiz O‘zbekiston milliy terma jamoasi safida Qatardagi Osiyo kubogida qatnashgani sababli SSKAning uchta xorijiy o‘quv-mashg‘ulot yig‘inidan ikkitasida ishtirok eta olmadi.
Fayzullayevning o‘zi tayyorgarlik borasida klub matbuot xizmatiga o‘z fikr mulohazalarini bildirib o‘tdi.
- Men jamoa yig‘inlariga kechroq qo‘shildim. Osiyo kubogidan keyin bir necha kun dam oldim. Sekin-asta sport formamni tiklab olyapman. Chempionat boshlangunicha tayyor bo‘laman, deb o‘ylayman, - dedi Abbosbek Fayzullayev.
Shu o‘rinda, Rossiya futbol jamoatchiligining taniqli ekspertlari Abbosbek Fayzullayevning imkoniyatlarini baholashda davom etyapti.
Rossiya terma jamoasining sobiq bosh murabbiyi Boris Ignatev o‘zbek futbolchisini Premer-liga tarixidagi eng zo‘r o‘yinchilardan biri, keyingi yillarda “Zenit”ning ketma-ket chempionligiga munosib hissa qo‘shgan braziliyalik Malkomga qiyosladi.
- SSKA klubi Abbosbek Fayzullayevni oldi. Bu transfer uchun “Zenit” Malkomga to‘laganchalik katta mablag‘ sarflagani yo‘q.
Lekin men Fayzullayevning Malkomdan kam joyi borligini ko‘rganim yo‘q. Bu haqiqatan jiddiy transfer bo‘ldi. Klub professional darajada ishladi, - dedi Boris Ignatev.
“Zenit” klubi 2019 yili Malkom uchun “Barselona”ga 41,5 million yevro to‘lagan edi. Piterliklarning haqiqiy yetakchisiga aylangan braziliyalik hujumchi o‘tgan yoz Saudiya Arabistonining “Al-Hilol” jamoasiga 60 million yevroga transfer qilindi.
SSKA o‘tgan yili avgustda Abbosbek Fayzullayevni “Paxtakor”dan 500 ming yevroga transfer qildi. Qisqa fursat ichida legionerimizning transfer summasi bir necha baravar oshdi. Qatardagi Osiyo chempionatidan keyin Abbosning transfer narxiga yana bir millionga qimmatga qimmatlab, jami 5 million yevroni tashkil qilmoqda.
SSKA 2024 yildagi ilk rasmiy uchrashuvini chempionatning 19-turi doirasida “Orenburg” jamoasiga qarshi o‘tkazadi. O‘yin 2 mart kuni Toshkent vaqti bilan 16:00 da boshlanadi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Slovakiya bosh vaziri Putinning taklifini qabul qildi
Medvedev Rossiya NATO harbiy bazalariga zarba yo‘llashi mumkinligini istisno qilmadi
Organizmda qaysi turdagi vitamin yetishmayotganini qanday aniqlash mumkin?
O‘zbekistonda onkologik kasallikka chalingan ayollar bepul davolanadi
Gretsiyada minglab odamlar NATOga qarshi namoyish o‘tkazdi
Endi «Doimiy yashash joyiga ro‘yxatga qo‘yish» qulaylashdi (video)
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
Bosh kiyimsiz yurishning organizmga qanday ta’siri bor?
