23:37 / 24.08.2016
7 012

Hasanboy Do‘stmatovning otasi o‘g‘lining g‘alabasi siri nimada ekanini aytdi

Hasanboy Do‘stmatovning otasi o‘g‘lining g‘alabasi siri nimada ekanini aytdi
\
Avval berganimizdek, kecha, 23 avgust kuni Toshkent aeroportida Braziliyaning Rio-de-Janeyro shahrida bo‘lib o‘tgan XXXI yozgi Olimpiada o‘yinlarida ishtirok etgan sportchilar va sovrindorlarni kutib olish marosimi bo‘lib o‘tdi. Sportchilarni O‘zbekiston Respublikasi bosh vaziri Shavkat Mirziyoyev boshchiligida hukumat vakillari, davlat va jamoat tashkilotlari rahbarlari, sportchilar, olimpiadachilarning ota-onalari, oliy o‘quv yurtlari talabalari kutib oldilar. O‘zA muxbiri Olimpiada oltin medalni qo‘lga kiritib qaytgan Hasanboy Do‘stmatovning otasi Ma’rufjon Hayitboyev suhbatga tortdi.

Ma’rufjon Hayitboyev, Hasanboy Do‘stmatovning otasi:
— Hayajonlanayapman, etim jimirlab ketayapti, o‘g‘lim chempion, axir! O‘g‘limning g‘alabasi nafaqat qishlog‘imiz ahlini, balki butun O‘zbekiston xalqini ruhlantirib yubordi. Bolam, maqtanishga yo‘ymang-u, farzandlarim, ayniqsa, Hasanboyning Vatanimiz dovrug‘ini olam uzra tarannum etayotganidan, el-yurtimizga xizmat qilayotganidan ich-ichimdan faxrlanaman. Sportchilarga doimo g‘amxo‘rlik ko‘rsatayotgan Prezidentimiz va xalqimiz ishonchini oqlaganidan behad xursandman. Agar muborak istiqlol bo‘lmaganida o‘g‘lim Shirmonbuloqdagi tomoshalardan nariga o‘tolmasdi. Uning g‘alabasi mamlakatimizda sport, ayniqsa, bolalar sportiga qaratilayotgan yuksak e’tiborning amaldagi ifodasidir.

Eslatib o‘tamiz, kecha, 23 avgust kuni O‘zbekiston Respublikasi Prezidenti Islom Karimov “Rio-de-Janeyro shahrida (Braziliya) bo‘lib o‘tgan XXXI yozgi olimpiada o‘yinlari g‘oliblarini pul mukofotlari bilan taqdirlash to‘g‘risida”gi farmoyishga imzo chekdi. Unga ko‘ra, Oltin medalni qo‘lga kiritganlar 200 000 AQSh dollari, kumush medal sovrindorlari 100 000 AQSh dollari, bronza medali sohiblariga 75 000 AQSh dollari pul mukofoti topshiriladi.

Manba: Qalampir.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Hasanboy Do‘stmatovning otasi o‘g‘lining g‘alabasi siri nimada ekanini aytdi