Samvel Babayan: "O‘tkir Yusupov jamoamiz yetakchilaridan biri"

O‘zbekiston kubogi 1-turidan o‘rin olgan "Nasaf" - "Navbahor" (0:1) uchrashuvidan so‘ng mehmonlar bosh murabbiyi Samvel Babayan matbuot anjumanida ishtirok etdi.

- Birinchi navbatda "Navbahor" muxlislarini g‘alaba bilan tabriklayman. Juda og‘ir o‘yin o‘tkazdik. Har ikki jamoa juda yaxshi o‘yin ko‘rsatdi. Jamoaviy birdamlik asosida g‘alabaga erishdik. Bugungi o‘yin uchun jamoaning har bir a’zosiga minnatdorchilik bildiraman. O‘tkir Yusupov bizni juda qiyin vaziyatlarda qutqara oldi. U jamoamiz yetakchilaridan biri.

"Nasaf" juda kuchli raqib. Har qanday jamoa qarshiliklarga qarshi o‘yinlarda qiynalishi turgan gap. Navbatdagi uchrashuvlarda jamoaga omad tilayman.

- "Navbahor" uchun chempionatda g‘olib chiqish osonroqmi yoki kubokdami?
- Bu yilgi mavsumda oson o‘yinning o‘zi bo‘lmaydi. Chempionatmi, kubokmi, hech bir o‘yinda osonlikcha g‘alaba qozona olmaysiz. Kubok g‘olibi xalqaro maydon yo‘llanmasiga ega chiqadi. Bizning guruhda intiriga juda yuqori. O‘tgan mavsum yarim final va final ishtirokchilari joy olgan guruh. Bunday holatda guruhdan chiqishning o‘zi katta mas’uliyat talab etadi.

- Intervyularingizning birida "Navbahor"da Igor Golbanning o‘rni sezilayotgani haqida aytgandingiz. Bugun jamoangiz himoya chizig‘i ko‘rsatgan o‘yindan qoniqdingizmi?
- Bugun butun jamoamiz yaxshi o‘ynadi. Birdamlik evaziga g‘alaba qozondik. Igor Golban juda yaxshi futbolchi. U bilan do‘stona munosabatlarni saqlab qolganmiz. “Zamin” yangiliklarini “Instagram”da kuzatib boring