Superliganing 6-turidan o‘rin olgan "Bunyodkor" - "Surxon" uchrashuvidan so‘ng mezbonlar murabbiyi Ilyos Zeytullayev fikrlari bilan o‘rtoqlashdi.
"Umuman o‘yinni 2 qismga ajratish mumkin. Birinchi bo‘limni hamma ko‘rdi. Tezkor gol ruhan ta’sir qildi deb o‘ylayman. Bunday vaziyatga tushganda butun jamoa bo‘lib harakat qilish kerak. Ikkinchi bo‘limda jamoa hujumkor va agressiv o‘yin ko‘rsata olishini isbotladi. Hamma narsa ruhiy holatga borib taqalmoqda. Bitta o‘yinn yutib olsak barchasi iziga tushib ketadi", - deydi Zeytullayev.
- Jamoa tarkibidagi himoya va boshqa chiziqlarda raqobat yo‘q. Raqobat futbolda muhim ahamiyat kasb etadi. Tarkibda raqobat yo‘qligi qanchalik muammo tug‘dirmoqda?
- Hozir himoyachilar haqida gapirish noto‘g‘ri. Bu yerda e’tiborni boshqa joyga qaratish kerak. G‘alabani butun jamoa qo‘lga kiritganidek, mag‘lubiyatni ham butun jamoa bosh murabbiy bilan birga qabul qiladi. Demak men va shtab qayerdadir xato qildik. Yigitlarning ko‘zida katta ishtiyoq ko‘rinib turibdi. Ularni sobiq futbolchi, murabbiy sifatida tushunaman. Hozir kamroq gapirib, ko‘proq ishlashimiz kerak. Bunday vaziyatlarda har bir futbolchi va murabbiy javobgarlikni zimmasiga olishi kerak.
- Jamoada aynan qaysi kamchiliklarni bartaraf etish kerak deb hisoblaysiz?
- O‘tgan 2 haftada juda yaxshi shug‘ullandik. Bugun "Surxon" ustidan yutishimizga ishongandim. "Surxon" birinchi bo‘limda juda sifatli futbol ko‘rsatdi. Barcha pozitsiyalarni yopdi va qarshi hujumga o‘tdi. Murabbiylar shtabi bilan birga o‘yin tasvirini ko‘rib chiqamiz. Xatolarni tahlil qilamiz. Jon saqlash uchun kurashishda davom etamiz.
Futbolchilar ayni paytdagi vaziyatni his qilib turibdi. "Bunyodkor"da doim bosim bo‘ladi. Barcha javobgarlikni bo‘ynimga olaman. Maydonga hech kim yutqazish uchun chiqmaydi. Futbolchilarda xarakter bor va ishonamanki birgalikda qiyin holatdan chiqib ketamiz. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
“Roma” Shomurodov uchun yana 8 million yevro xarajat qiladi!
Pnevmatik qurollarni o‘z ixtiyori bilan topshirganlar javobgarlikdan ozod etiladi
Messining salkam 1 million dollarga sotilgan salfetkasi haqida
Shimoliy Koreya yangi ko‘rsatkichlarga ega ballistik raketani sinovdan o‘tkazdi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
Jizzaxda uchta yuk mashinasi ishtirokida YTH sodir bo‘ldi
Ukraina prezidenti mahbuslarni safarbar qilish to‘g‘risidagi qonunni imzoladi