date
views 128

O‘zbekistonlik para yengil atletikachilar jahon chempionatida tarixiy natija qayd etdi

O‘zbekistonlik para yengil atletikachilar jahon chempionatida tarixiy natija qayd etdi
Yaponiyaning Kobe shahrida bo‘lib o‘tgan para yengil atletika bo‘yicha jahon chempionati o‘z yakuniga yetdi.

Dunyoning 103 ta mamlakatidan mingdan ortiq para atlet ishtirok etgan musobaqada O‘zbekiston terma jamoasi 7 ta oltin, 4 ta kumush va 2 ta bronza, jami 13 ta medal jamg‘arib, umumjamoa hisobida Buyuk Britaniya, AQSH, Germaniya, Hindiston va Eron kabi yetakchi davlatlarni ortda qoldirgan holda 3-o‘rinni egalladi.

Ta’kidlash kerakki, bu O‘zbekiston Paralimpiyasi tarixida birinchi bor sodir bo‘lmoqda. Taqqoslash uchun, terma jamoamiz bundan avvalgi 2 ta jahon chempionatida 10 va 9-o‘rinlarni egallagan edi.

Bundan tashqari, Nurxon Qurbonova hamda Asila Mirzayorova o‘z yo‘nalishlarida jahon rekordlarini yangilashga muvaffaq bo‘ldi.

Jahon chempionatida g‘olib va sovrindor bo‘lgan para atletlar bilan yana bir bor tanishtirib o‘tamiz:

Oltin
- Qudratullaxon Ma’rufxo‘jayev – yadro uloqtirish
- Qudratullaxon Ma’rufxo‘jayev – disk uloqtirish
- Husniddin Norbekov – yadro uloqtirish
- Nurxon Qurbonova – nayza uloqtirish
- Asila Mirzayorova – uzunlikka sakrash
- Yoqutxon Xolbekova – uzunlikka sakrash
- Safiya Burxanova – yadro uloqtirish

Kumush
- Boburjon Omonov – yadro uloqtirish
- Dilafruz Ahmadxonova – yadro uloqtirish
- Kubaro Hakimova – yadro uloqtirish
- Mohigul Hamdamova – disk uloqtirish

Bronza
- Ma’rufjon Murodulloyev – 400 metrga yugurish
- Nurxon Qurbonova – yadro uloqtirish
Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » Sport » O‘zbekistonlik para yengil atletikachilar jahon chempionatida tarixiy natija qayd etdi