Shomurodov samaradorlik bo‘yicha kuchli beshlikda

Yevropaning top-chempionatlarida yuzdan ziyod uchrashuv o‘tkazgan yagona vakilimiz Eldor Shomurodov uchun Italiyadagi to‘rtinchi mavsum ham yakunlandi. Har holda Yevropadagi legionerimiz bu galgi chempionatda o‘zini ko‘rsata oldi, deyishimiz mumkin.

Mavsumning ikkinchi yarmida sport formasini yuqori darajaga ko‘tara olgan Eldor Shomurodov “Kalyari”ning oldiga qo‘yilgan vazifani bajarilishida o‘z hissasini qo‘shdi.

Ekspertlar futbolchilarning A Seriyadagi samaradorligiga (gol va assistlar) qo‘yishlgan ballar bo‘yicha “Kalyari”ning kuchli beshligini aniqladi. Statistika mavsum davomida 15 ta va undan ko‘p bellashuvda ishtirok etgan o‘yinchilar ko‘rsatkichi asosida aniqlandi.

Natijalar bilan tanishing:

1 – Leonarda Pavoletti 7,04 ball: 19 ta o‘yin (5 marotaba boshlang‘ich tarkibda), 4 ta gol va 1 ta assist.

2 – Janluka Gaetano 6,88 ball: 20 ta o‘yin (11 marotaba boshlang‘ich tarkibda), 5 ta gol.

3 – Zito Luvumbo 6,75 ball: 30 ta o‘yin (19 marotaba boshlang‘ich tarkibda), 4 ta gol va 5 ta assist

4 – Nikolas Viola 6,70 ball: 26 ta o‘yin (11 marotaba boshlang‘ich tarkibda), 5 ta gol va 2 ta assist

5 – Shomurodov 6,42 ball: 22 ta o‘yin (10 marotaba boshlang‘ich tarkibda), 3 ta gol va 3 ta assist.

Eldor Shomurodov A Seriyaga yo‘l olgan 2020 yilning oktyabridan beri to‘rtta jamoa – “Jenoa”, “Roma”, “Spetsiya” va “Kalyari”da to‘p tepdi. E’tiborlisi, legionerimiz o‘zi o‘ynagan jamoalarning har birida to‘p kiritgan, ya’ni hech qaysi mavsumni golsiz yakunlamagan.

28 yoshli hujumchimiz A Seriyadagi faoliyati davomida jami 102 ta bellashuvda ishtirok etib, o‘z hisobiga 15 ta gol va 9 ta assist rasmiylashtirgan.

Eldor Shomurodovning “Roma” bilan shartnomasi yana ikki yil davom etadi. Yozda legionerimiz kelajagi borasida bir qarorga kelishi kutilyapti. “Zamin” yangiliklarini “Facebook”da kuzatib boring