Abduvohid Ne’matov "Paxtakor" darvozaboni unga nima degani haqida gapirdi

O‘zbekiston Superkubogida "Paxtakor"ga qarshi o‘yindan so‘ng "Nasaf" darvozaboni Abduvohid Ne’matov matbuot anjumanida ishtirok etdi va berilgan savollarga quyidagicha javob qaytardi.

- O‘yin haqida...
- Barcha "Nasaf" muxlislarini Superkubok bilan tabriklayman! O‘yin juda qiyin kechdi va penaltilar seriyasigacha davom etdi. Bunga tayyorgarlik ko‘rgandik va bu bizga qo‘l keldi.

- Penaltini bunday ijro etish oson emas. Buni oldindan rejalashtirib olganmidingiz?
- Darvozabondan hech kim bunday zarbani kutmaydi. Shuning uchun shunaqa tepishga qaror qildim.

- "Paxtakor" darvozaboni sizga nima deb ketdi?
- Har bir penalti tepilgach, menga "qanday gol urding" deb hayratomuz savollar beraverdi (kuladi).

- Muhammadqodir Hamraliyev va Diyor Xolmatov bilan olimpiya terma jamoasida birga o‘ynaysizlar. Ular qaysi tomonga tepishini bilarmidingiz?
- Muhammadqodir Hamraliyevga hazillashib, "Bilasan-a? Qayerga tepishni", dedim (kuladi). “Zamin”ni Telegramʻda oʻqing!