O‘zbekiston sporti tarixida ilk bor Olimpiya o‘yinlarida ishtirok etayotgan futbolchilarimiz “S” guruhidagi ikkinchi turda Misr vakillariga qarshi maydonga tushadi.
Bu bellashuv har ikki terma jamoa uchun ham muhim ahamiyat kasb etadi. Chunki mag‘lubiyatga uchragan terma jamoa amalda keyingi bosqich bilan xayrlashishiga to‘g‘ri kelishi mumkin.
Olimpiya o‘yinlarini yoritib borayotgan Fransiya matbuoti O‘zbekiston terma jamoasi o‘yinlariga ham e’tibor qaratmoqda. Chunki bu birinchi navbatda terma jamoamiz tarkibida Fransiya yuqori divizionida “Lans” sharafini himoya qilib kelayotgan Abduqodir Husanov borligi bilan bog‘liq.
ENSO PAYLOT, le11hdf.fr sayti eksperti:
Abduqodir Husanov va uning jamoadoshlarini Olimpiya o‘yinlaridagi ikkinchi jiddiy sinov kutmoqda. Musobaqaning rasmiy ochilish marosimi muvaffaqiyatli o‘tdi va endi barcha bor e’tiborini maydonlardagi qizg‘in bellashuvlarga qaratadi.
O‘zbekiston Nant shahridagi “Stad de la Bojuar” stadionida Misr terma jamoasi bilan kuch sinashadi. Abduqodir Husanov va uning jamoadoshlari Ispaniyadan uchralgan mag‘lubiyatdan to‘g‘ri xulosa chiqarib olgan bo‘lishi kerak.
Qolaversa, Misr ham birinchi o‘yinda porlagani yo‘q. Ular musobaqada eng zaif jamoalardan hisoblanayotgan Dominikan Respublikasi futbolchilari bilan ochko bo‘lishishga majbur bo‘ldi.
Shuning uchun ham Misr va O‘zbekiston uchrashuvida osiyoliklar kichik bo‘lsa-da, ustunlikka ega ekani e’tirof etilmoqda.
“Lans” himoyachisi terma jamoa ikkita gol o‘tkazib yuborganiga qaramay, ispanlarga qarshi juda zo‘r o‘ynadi. Endi Husanov bu mahoratini jamoadoshlari bilan birga “fir’avnlar” hujumlarini to‘xtatishda ham namoyish qilishi kerak.
ELOIZA DЕ MЕSTЕR, lensois.com sayti eksperti:
O‘zbekiston va Husanov terma jamoasining imkoniyatlariga ishonishda davom etamiz. Olimpiya o‘yinlarining ochilish bahsida Ispaniyaga qarshi uchrashuvda mag‘lub bo‘lgan o‘zbeklar ikkinchi turda dastlabki ochkolarini qo‘lga kiritishi kutilmoqda. G‘alaba guruhdagi raqobatchilardan ortda qolib ketmaslik uchun o‘ta zarur.
Nant shahri mezbonlik qiladigan O‘zbekiston va Misr uchrashuvi oldidan favoritni tanlash juda qiyin masala bo‘lib qolmoqda.
Misr birinchi turda Dominikan Respublikasi terma jamoasini yengolmay, ko‘pchilikni hayron qoldirdi.
Hali biror ochko jamg‘armagan Abduqodir Husanov jamoasi esa, guruhda ikkinchi o‘ringa ko‘tarilib olish uchun Misrga qarshi bahsni o‘z foydasiga hal qilishi shart. Shundagina, o‘zbeklar keyingi bosqichga chiqish imkonini saqlab qoladi.
Eslatib o‘tamiz, Fransiyadagi Olimpiya o‘yinlaridagi futbol musobaqasida 16 mamlakat terma jamoalari to‘rt guruhga bo‘linib, o‘zaro raqobatlashmoqda. Har bir guruhdan ikkitadan terma jamoa chorak finalga yo‘llanma oladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
