Parij—2024. Bahodir Jalolov — Olimpiada oʻyinlari oltin medali sohibi

Frantsiyaning Parij shahrida yozgi Olimpiada bahslari boʻlib oʻtmoqda.

Olimpiada doirasida boks musobaqasining +92 kggacha boʻlgan bokschilar oʻrtasidagi final bahsida oʻzbekistonlik bokschi Bahodir Jalolov ispaniyalik Ayyub Gadfaga qarshi jang qildi.

Birinchi raund Jalolovning toʻliq ustunligida oʻtdi. U raqibini ikki bor nokdaun holatiga tushirdi.

Ikkinchi raundda ham 5:0 hisobida oʻzbekistonlik bokschining ustunligi qayd etildi. Uchinchi raundda ham raqibiga imkon qoldirmagan Bahodir ketma-ket ikkinchi bor Olimpiya oʻyinlari oltin medalini qoʻlga kiritdi.

Bahodir bundan oldingi bosqichlarda norvegiyalik Omar Shihaga hech qanday imkoniyat qoldirmagan edi, shuningdek, avstraliyalik Teremoana Teremoanani taslim etgandi. Yarim finalda esa germaniyalik Nelvie Tiafak magʻlub etilgandi. “Zamin” yangiliklarini “Telegram”da kuzatib boring