O‘zbekiston terma jamoasining hozirgi sardori va eng zo‘r to‘purari Eldor Shomurodovning faoliyatida jiddiy o‘zgarishlar bo‘lishi kutilmoqda.
Yevropada transferlar oynasi yopilishiga tobora oz vaqt qolmoqda. Bunday vaziyatlarda klublar tarkib masalasida tezkor va puxta qarorlar qabul qilishiga to‘g‘ri keladi.
Eldor Shomurodov ham “Roma”ni tark etishiga to‘g‘ri keladi. Rimliklar bosh murabbiyi Daniele De Rossi o‘zbek futbolchini olib qolmasligi aniq bo‘lib ulgurgan. Yozgi transferlar davrida 29 yoshli forvardni olish bo‘yicha “Kalyari”, “Verona”, “Sampdoriya” kabi klublar “Roma” bilan muloqotga kirishgani haqida bir necha bor ma’lumotlar tarqatildi.
Biroq muzokaralar ijobiy yakunga yetgani, transfer amalga oshgani yo‘q.
Taniqli insayder Fabritsio Romano Eldor Shomurodovga AQSH chempionatida “Atlanta Yunayted” jiddiy qiziqayotgani, klublar muzokarasi ijobiy kechayotgani va tez orada o‘zbek hujumchisi ummonorti klubiga o‘tishi mumkinligini ma’lum qildi.
Ijtimoiy tarmoqda Shomurodovning AQSHga ketishi keng muhokama va munozara qilinayotgan bir pallada tajribali legionerimizga yana bir variant chiqqani haqida axborot tarqatildi.
Italiyalik futbol eksperti Jankarlo Kornakkianing ma’lum qilishicha, hamyurtimizga Turkiya Superligasidan chorlov bo‘lyapti.
- Eldor Shomurodovga faqatgina “Atlanta Yunayted” qiziqayotgani yo‘q. O‘zini ko‘rsatish uchun yangi jamoa qidirayotgan “Kalyari”ning sobiq hujumchisiga Turkiya chempionatida ishtirok etayotgan “Trazonspor” jiddiy qiziqish bildirmoqda, - deb yozdi tuttocagliari.net portali mutaxassisi Jankarlo Kornakkia.
Aslida Eldor Shomurodov Turkiya Superligasi vakillaridan muntazam taklif oladi. Avvalgi transfer oynalari davrida “Fenerbahche”, “Trabzonspor”, “Galatasaroy” kabi Turkiyaning eng qudratli jamoalaridan takliflar bo‘lgan, biroq legionerimiz A Seriyada qolish maqsadida nafaqat turklarning, balki Angliya, Fransiya, Germaniya, Ispaniya, Rossiya, Saudiya Arabistonidan chiqqan variantlarga ham ko‘nmagan edi.
O‘zbek futbolchilari Turkiya Superligasini zabt etib bo‘lganiga ancha bo‘ldi. Bugungi kunda Turkiya Superligasida ishtirok etayotgan 258 nafar xorijlik o‘yinchilar orasida Otabek Shukurov (“Kayserispor”), Azizbek Turg‘unboyev (“Sivasspor”), Husniddin Aliqulov (“Rizespor”) kabi O‘zbekiston terma jamoasi a’zolari ham bor.
“Trabzonspor” mutasaddilari Shomurodovni transferga ko‘ndira olsa, Eldor Superligadagi O‘zbekistonning to‘rtinchi vakiliga aylanadi.
Agar “Atlanta Yunayted”ni tanlasa, AQSH chempionati o‘zbek futbolchilari uchun yangi maydon hisoblanadi. Kuchli beshlik chempionatlarida eng ko‘p o‘yin o‘tkazgan, birinchi va eng ko‘p gol urgan, Konferensiyalar ligasi kubogini qo‘lga kiritgan va bir qator shunga o‘xshash katta-kichik ko‘rsatkichlarni qayd etgan Eldor Shomurodov “Atlanta Yunayted”ga o‘tadigan bo‘lsa, o‘z rekordlari ro‘yxatini yanada kengaytiradi.
Demak, Eldor Shomurodov tez orada qanday qarorga kelishini kutamiz. Balki yana yangidan-yangi variantlar ham chiqib qolar... “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
