A Seriyaning ikkinchi turida “Roma” muxlislari ko‘z o‘ngida o‘z tarixida ilk bor “Empoli”dan mag‘lubiyatga uchragan bo‘lsa-da, bu uchrashuv Eldor Shomurodov uchun juda omadli bo‘ldi.
O‘yinga 77-daqiqada zaxiradan qo‘shilgan legionerimiz supergol urib, jamoasini kurashga qaytardi. O‘yin oxirigacha Eldor yana ikkita golli vaziyat yaratdi, biroq mezbonlar bundan foyda chiqara olmadi.
Eng muhimi esa, Shomurodovga bo‘lgan munosabat o‘zgardi. Italiya matbuoti Shomurodovning bozori yana “qaynay” boshlaganini yozmoqda.
- “Empoli” darvozasini ishg‘ol qilganidan keyin o‘zbek futbolchisi bosh murabbiy Daniele De Rossi rejalariga kiritildi. Oxirgi kunlarda Shomurodovga bir necha klublardan taklif kela boshladi. “Roma” murabbiylar shtabi ham tezroq qaror qabul qilishiga to‘g‘ri kelyapti.
Temmi Abraxamning ketishi oydinlashib qoldi. Daniele De Rossi Shomurodov bo‘yicha rejasini o‘zgartirishda hech qanday muammo ko‘rmayapti. Lekin hammasi transfer oynasining yakuniy qismi qanday bo‘lishiga bog‘liq. Shomurodovning agentlari bilan muzokaralar bo‘ladigan. Vaziyat har soatda o‘zgarishi ehtimoli katta, - deb yozmoqda siamolaroma.it sayti eksperti Lorenso Luchani.
Yana bir manba – tuttomercatoweb.com portali Eldor Shomurodov transferi bo‘yicha yanada aniq ma’lumotlarni keltirdi. Unga ko‘ra, rimliklar A Seriyaning boshqa vakili – “Lechche”dan o‘zbek hujumchisi bo‘yicha taklif olgan.
“Lechche” ikki tur yakuniga ko‘ra, birorta gol urolmagan holda o‘z darvozasidan eng ko‘p – oltita to‘p olib chiqqan. Musobaqa jadvalining eng quyi pog‘onasiga tushib qolgan klub yuqori diviziondagi joyini saqlab qolish uchun tarkibini kuchaytirishga muhtoj.
- “Roma” Eldor Shomurodov bo‘yicha yakuniy qarorga kelishi kerak. O‘zbek futbolchisi “Empoli”ga supergol urganidan keyin qiziqishlar markaziga tushib qoldi. Shunga qaramay, o‘yinchi Rimni tark etishi ham mumkin.
So‘nggi ma’lumotlarga qaraganda, “Lechche” Eldorni ijaraga olishni so‘rab, poytaxt klubiga murojaat qilgan. Ular o‘yinchining maoshini ijara puli ichida hisoblanishini taklif qilyapti. Bu rimliklar uchun ideal variant emas. Biroq transfer bozori yakunlanishiga bir necha kun qolgani tezroq qaror qabul qilishga majbur etmoqda.
Bundan tashqari, ko‘p narsa Shomurodovning istagiga bog‘liq. Eldor jamoadoshi Rik Karsdorpdan farqli ravishda Daniele De Rossi boshchiligidagi murabbiylar shtabi ishonchiga kira boshladi. 29 yoshli forvard Rimda qolib, asosiy tarkibga kirish uchun kurashni davom ettirishi ham mumkin, - deb yozmoqda tuttomercatoweb.com portali mutaxassisi Simone Lorini.
Ta’kidlash lozimki, agar Shomurodov poytaxtgan ketishni ixtiyor qilsa, “Roma” zudlik bilan boshqa forvardni transfer qilishiga to‘g‘ri keladi. Chunki Daniele De Rossi avvalroq chap qanot hujumchisiga ehtiyoji borligini ta’kidlagandi. Legionerimiz esa, hujum markazida tashqari, chap qanotda ham juda samarali o‘yin tashkil qila oladi.
Demak, har galgidek, transfer oynasining so‘nggi kunlari Eldor Shomurodov atrofi qizg‘in vaziyatlarga boy bo‘ladi. Kuzatishda davom etamiz... “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
