O‘zbekiston futzal terma jamoasi Braziliyaga qarshi ikkita o‘yin o‘tkazadi

^{Foto: O‘FA}
O‘zbekiston futzal milliy terma jamoasi 6—8 sentyabr kunlari o‘rtoqlik o‘yinlarini o‘tkazadi.

Terma jamoa mundial oldidan so‘nggi o‘rtoqlik o‘yinlarida ishtirok etadi. O‘zbekiston FIFA Futzal reytinggi yetakchisi Braziliyaga qarshi maydonga tushadi. Bu haqida O‘FA matbuot xizmati ma’lum qildi.

Ilk o‘yin 6 sentyabr Yunusobod sport majmuasida o‘tsa, 8 sentyabr Humo Arena ikkinchi bellashuvga mezbonlik qiladi.

Eslatib o‘tamiz, futzal bo‘yicha jahon chempionatida O‘zbekiston mezbon hisoblanadi. A guruhidan o‘rin olgan Xose Venansio Lopes shogirdlari birinchi o‘yinni 14 sentyabr kuni Niderlandiyaga qarshi o‘tkazadi. Musobaqa o‘yinlari Toshkent, Andijon va Buxoro viloyatlarida bo‘lib o‘tadi. “Zamin” yangiliklarini “Facebook”da kuzatib boring