Xose Venansio Lopes: "Kosta-Rikaga qarshi o‘yin biz uchun Jahon chempionati finaliga teng"

Futzal bo‘yicha Jahon chempionati ikkinchi turida Paragvayga imkoniyatni boy bergan O‘zbekiston termasi bosh murabbiyi Xose Venansio Lopes o‘yindan keyingi fikrlari bilan o‘rtoqlashdi.

– Mag‘lubiyatning asosiy sababi nima bo‘ldi?
– Chunki Paragvay bugun bizdan yaxshiroq o‘ynadi. Ular o‘yinni nazorat qilishdi, vaziyatlarni golga aylantirishdi. Sabab shunda.

– Muxlislar sizdan ko‘p narsa kutishgandi, biroq ma’lum sabablarga ko‘ra natijalar u qadar yaxshi bo‘lmayapti...
– Biz bor kuchimizni ishga solmoqdamiz. Bugun ham g‘alaba uchun borimizni berdik. O‘yin oxiriga qadar harakat qildik. Bizda gol urish uchun yetarli vaziyatlar bor edi, ammo vaziyatlarni yakunlay olmadik.

– Guruh bosqichidagi uchinchi o‘yin biz uchun qanday ahamiyat kasb etadi?
– Kosta-Rikaga qarshi o‘yin biz uchun Jahon chempionati finaliga teng. Faqat g‘alaba qozonishimiz kerak.

– Bugun standart vaziyatlardan foydalanishda muammolar yuzaga keldi...
– Biz gol urishga harakat qildik, ammo buni uddalay olmadik. Standart vaziyatlar bo‘yicha mashg‘ulotlarda ishlaganmiz, ammo o‘yinda gol urishni imkoni bo‘lmadi. Vaziyatlarni yakunlashda muammolarga duch keldik. Yakuniy nuqtani qo‘yishda oqsadik.

– Keyingi bosqichga chiqish uchun imkoniyatimiz qanday deb hisoblaysiz?
– Faqat g‘alaba qozonimiz kerak. Yagona yo‘li g‘alaba qozonish. “Zamin” yangiliklarini “Youtube”da kuzatib boring