Yangi chempionatda sovrinli o‘rinlarga da’vogarlik qilishi kutilayotgan SSKA jamoasi yetakchisi Abbosbek Fayzullayev uchun mavsum og‘ir boshlandi.
20 yoshli hujumkor o‘yinchimiz yuqori sport formasiga chiqishga qiynaldi. Bir nechta uchrashuvda samarali harakatlarni amalga oshira olmadi. “Armiyachilar”ning oldingi chiziqdagi sermahsulligi kreativ legionerimizga bog‘liq ekanligi tufayli Fayzullayevning o‘yinidagi pasayish umumiy natijaga ham ta’sir qildi.
Futbolchilik davrida SSKAda o‘ynagan va hozir futbol eksperti sifatida o‘z qarashlariga ega bo‘lgan Valeriy Masalitin o‘zbekistonlik charm to‘p ustasining hozirgi holatini quyidagicha baholadi.
- Abbosbek Fayzullayev SSKAga ko‘chib o‘tganidan beri muntazam terma jamoa yig‘inlariga borishiga to‘g‘ri kelmoqda. U hali yetarli darajada dam olgani yo‘q, har doim tonusda yurishiga to‘g‘ri kelyapti.
Yozgi Olimpiya o‘yinlaridan keyin Abbosga yaxshilab hordiq chiqarishi uchun hech bo‘lmaganda 2-3 hafta vaqt berish kerak edi. Keyin uning jismoniy holatini yaxshilash bo‘yicha ish olib borish maqsadga muvofiq bo‘lardi. Lekin bunday qilinmadi.
Fayzullayev hali yosh, bunday og‘ir yuklamalarni ko‘tara oladi, lekin baribir charchoq borligi sezilib turibdi. O‘zbek futbolchisining o‘yinida avvalgi yengillik yo‘qoldi, unga xos bo‘lmagan ortiqcha harakatlar paydo bo‘ldi. Bu toliqish borligidan dalolat beradi. Abbosbek birinchi navbatda psixologik tomondan o‘zini tiklab olishi kerak, - dedi Valeriy Masalitin.
Yaqinda Rossiya kubogi guruh bosqichida SSKA futbolchilari Abbosbek Fayzullayevning ikkita golli pasi tufayli hali yengilmagan “Krasnodar”ni 2:0 hisobida mag‘lubiyatga uchratdi. Bu bellashuvda legionerimiz formasini tiklab borayotganini ko‘rsatdi.
Bahsda hamyurtimizga qarshi o‘ynagan “Krasnodar” tarkibidagi Urugvay terma jamoasi himoyachisi Lukas Olasa ham Fayzullayev harakatlariga baho berdi.
- SSKA va “Krasnodar” uchrashuvida Abbosbek Fayzullayev ancha yaxshi o‘ynadi. Lekin u menga ko‘p va jiddiy muammo tug‘dirdi, deb ayta olmayman. SSKA gol urganidan keyin hisobni ushlab qolishga e’tibor qaratdi, - dedi Lukas Olasa.
Abbosbek Fayzullayevning o‘zi joriy mavsumdan umidi katta ekanini aytmoqda.
- Biz Rossiya kubogida ham, Premer-ligada ham chempionlik uchun kurashamiz. Tarkibimiz bu ishni uddalashga loyiq darajada. Oxirgi uchrashuvlarda harakatlarimiz ijobiy tomonga o‘zgarib bormoqda, o‘yinimiz yaxshi o‘xshayapti.
Avval ayrim uchrashuvlarda hal qiluvchi pallalarda hujumni samarali yakunlab, gol urolmayotgan edi. Bu kamchilik ustida har bir mashg‘ulotda ishlayapmiz. Hujumdan tashqari, himoyamiz ham kuchli, himoyachilarimiz ham gol urishni biladi, - dedi Abbosbek Fayzullayev.
Abbosbek Fayzullayev SSKAga “Paxtakor”dan 2023 yilning avgustida transfer qilingan. Shundan beri “armiyachilar” safida barcha turnirlarda jami 43 ta uchrashuv o‘tkazib, beshta gol va 18 ta assist qayd etdi va to‘rt marotaba sariq kartochka oldi.
Legionerimizning Moskva klubi bilan amaldagi shartnomasi 2026 yilning yarmigacha tuzilgan. Tomonlar o‘zaro kelishuvga ko‘ra, hamkorlikni yana bir mavsum uzaytirish huquqiga ega. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Shavkat Mirziyoyev Rossiya bosh prokurori bilan uchrashuv o‘tkazdi
