Jahon futbolining taniqli yulduzlaridan biri Miralem Pyanich faoliyatini Moskvaning SSKA klubida davom ettirishini tasdiqladi. Bosniyalik futbolchi Moskvaga yetib kelgan va tibbiy ko‘rikdan o‘tganidan so‘ng klub bilan shartnoma imzolaydi.
“Armiyachilar” safiga erkin agent sifatida qo‘shilgan markaziy yarim himoyachi mavsum oxiriga qadar Rossiya Premer-ligasida to‘p tepishga rozilik bergan. Bu muddat uchun moskvaliklar unga bir million yevro maosh to‘laydi.
Miralem Pyanich Fransiyaning “Mes” jamoasi tarbiyalanuvchisi hisoblanadi. Bu mamlakat chempionatida “Lion” sharafini ham himoya qilgan.
2011 yili Miralem “Roma” bilan shartnoma imzoladi va besh yil davomida “bo‘rilar” safida to‘p tepganidan keyin “Yuventus”ga transfer qilindi.
2021 yili “Barselona” bosniyalik yarim himoyachini Turin superklubiga 60 million yevro to‘lab, Kataloniyaga olib ketdi. Pyanichning ispan grandidagi faoliyati muvaffaqiyatli chiqmadi. Bunga o‘sha paytda jamoani boshqargan niderlandiyalik murabbiy Ronald Kuman bilan kelisha olmay qolgani sabab bo‘ldi.
Ronald Kuman Pyanichning jismoniy imkoniyatlarini keskin tanqid qildi, hatto o‘yinchini yuzma-yuz suhbatlashishga ham loyiq ko‘rmadi. O‘z navbatida, Miralem o‘yinchiga nisbatan o‘zini bunaqa tutadigan murabbiyni ko‘rmaganini aytib, Kumanning siyosatiga e’tiroz bildirdi.
“Barselona” rahbariyati klub ichidagi ziddiyatni mashhur o‘yinchini “Beshiktosh”ga ijaraga yuborish bilan hal qilishga majbur bo‘ldi. “Barselona” safida jami 30 ta uchrashuvda ishtirok etgan bosniyalik charm to‘p ustasi klubni tark etishga qaror qildi.
Miralem 2022 yili Birlashgan Arab Amirliklarining “Sharja” klubiga o‘tdi. Osiyo maydonlarida ikki yil harakat qilgan o‘yinchi shu yoz erkin agentga aylandi. Taqdir uni Rossiyaga yetakladi.
Pyanich 14 yillik professional faoliyati davomida Fransiya, Italiya, Ispaniya, Turkiya, Birlashgan Arab Amirliklari klublarida jami 639 marta maydonga tushib, raqiblar darvozasini 77 marotaba ishg‘ol qilgan va jamoadoshlariga 128 ta golli pas bergan.
Asosan maydon markazining bir necha nuqtasida o‘ynaydigan Miralem Pyanich xalqaro maydonda 2008 yildan beri Bosniya va Gersegovina milliy terma jamoasi sharafini himoya qilib kelmoqda. Hozirgacha tajribali o‘yinchi 115 ta uchrashuvda qatnashib, o‘z hisobiga 167 ta gol yozdirib qo‘ygan.
O‘zbekistonning eng iqtidorli futbolchilaridan Abbosbek Fayzullayev 2023 yilning avgustida “Paxtakor”dan SSKAga o‘tganidan beri hamyurtlarimiz “armiyachilar”ning ishtirokidagi o‘yinlarni alohida qiziqish bilan tomosha qilib kelmoqda.
Hozir legionerimiz SSKA hujum chizig‘i yetakchisi va pleymeykeri hisoblanadi. Endi Fayzullayev jamoasining ustunligini ta’minlash uchun Miralem Pyanich bilan hamkorlik qiladi.
Ta’kidlash joizki, Abbosbek Fayzullayev bosniyalik futbolchi janjallashgan “Barselona”ning muxlisi hisoblanadi va Kataloniya klubida o‘ynashni orzu qilishini bir necha bor aytgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Hindistonda 50 dan ortiq dori-darmonlar sifatida muammo aniqlandi
Stoltenberg: “Rossiya NATOni qo‘rqitishga harakat qilmoqda”
Yaqin Sharq katta urush ostonasidami?
Zelenskiyning AQSHga tashrifi: Tramp «Ukraina endi yo‘qligi»ni aytdi
Lukashenko NATO davlatlariga yadroviy zarba berishga tayyorligini ma’lum qildi
Dunyodagi eng baxtli shaharlar reytingi e’lon qilindi
Nodirbek Abdusattorov Shusha turnirida 2-o‘rinni egalladi
Futzal bo‘yicha JCH. Eron so‘nggi soniyalarda penaltidan foydalana olmadi va musobaqani tark etdi
