Rossiya Premer-ligasining o‘n birinchi turida markaziy uchrashuv Moskva klublari – “Dinamo” va SSKA o‘rtasida bo‘ldi. Uchrashuv derbiga mos tarzda keskin kurashlar, o‘tkir hujumlar, qizg‘in vaziyatlarga boy bo‘ldi.
Birinchi bo‘lim qahramoni shubhasiz Abbosbek Fayzullayev bo‘ldi. Legionerimiz jamoadoshlariga xavfli hujumlar yaratib berish barobarida o‘zi ham darvozaga zarbalar yo‘lladi.
Bahsning 17-daqiqasida Fayzullayev bungacha bir necha zarbalarni bartaraf etgan “Dinamo” darvozaboni Andrey Lunyovning nozik nuqtasini topa oldi. Abbosning uzoq masofadan yo‘llagan aniq zarbasini raqib posboni qaytara olmadi.
Garchi mezbonlar ikkinchi bo‘limda hisobni tenglashtirishni uddalagan bo‘lsa-da, SSKA o‘yin oxiriga borib g‘alabani ilib ketdi. Zaxiradan maydonga tushgan Tamerlan Musayev darvozabonning Abbosbek Fayzullayev topgan nozik burchagiga g‘alaba to‘pini joyladi.
Uchrashuvdan keyin o‘yin qahramonlaridan biri bo‘lgan Fayzullayev o‘z fikr-mulohazalari bilan o‘rtoqlashdi.
- O‘yin juda qiziqarli bo‘ldi. Har ikki jamoa oxirigacha kurashdi. Bellashuvda juda ko‘p xavfli vaziyatlar yaratildi.
Ikkinchi bo‘limda biz o‘yin sxemasini o‘zgartirib, ikkita hujumchi bilan o‘ynay boshladik. Bu o‘z samarasini berdi. Menimcha, o‘yinimiz yaxshi chiqyapti, - dedi Abbosbek Fayzullayev.
Bellashuvdan keyin SSKA himoyachisi Danil Krugovoy ham o‘z munosabatini bildirdi.
- Ko‘plab qulay vaziyatlardan foydalana olmaganingda ikki xil hissiyot yozaga keladi. Birinchidan, bu yoqimsiz holat. Ikkinchidan, yana qulay vaziyatlarni yuzaga keltirishing mumkinligini bilasan.
Birinchi bo‘limda 2:0 yoki 3:0 hisobida oldinga chiqib olishimiz mumkin edi. To‘g‘risini aytsam, negadir Guarirapaning o‘yini qovushmayapti. U uchinchi marotaba darvozaga zarba bergan holatda, to‘pni bo‘sh turgan Abbosbek Fayzullayevga oshirishi kerak edi.
Mayli endi buning ahamiyati yo‘q, asosiysi, g‘alaba qozonib, muxlislarni xursand qildik, - dedi Danil Krugovoy.
Ta’kidlash lozimki, bu g‘alaba “armiyachilar” uchun tarixiy ahamiyat kasb etdi. SSKA futbolchilari 2018 yili ochilgan “VTB-Arena”da umuman g‘alaba qozona olmay kelayotgan edi. Bu ushbu stadiondagi birinchi g‘alaba sifatida qayd etildi.
Umuman olganda esa, “armiyachilar” raqib maydonida o‘tkazilgan bellashuvlarda oxirgi marotaba 2015 yili 4 oktyabrida zafar quchgan. Keyingi o‘yinlarda “Dinamo” futbolchilari “armiyachilar”dan ochko olib kelayotgan edi. Shunday qilib, Abbosbek o‘z goli bilan SSKAning to‘qqiz yillik “qora an’anasi”ga chek qo‘yishni boshlab berdi.
Abbosbek Fayzullayev joriy mavsumda Rossiya Premer-ligasida to‘qqizta uchrashuvda ikkitadan gol va assist muallifi bo‘ldi. Mamlakat kubogida esa to‘rtta o‘yinda jamoadoshlarini uch marotaba golli pas bilan ta’minlagan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Husiylar Isroil aviabazasiga gipertovushli raketa bilan zarba berdi
