"Persepolis" klubi bugun Oʻzbekiston - Eron uchrashuvida maydonga tushadigan futbolchini sudga berdi

Eron terma jamoasi asosiy darvozaboni Alirizo Beyranvand jazolanishi mumkin. Gap shundaki darvozabon 2022 yil 31 may kuni "Persepolis" bilan 3 yillik shartnoma tuzgan va kelishuv 2025 yil yozida tugashi kerak edi. Ammo 2024 yil iyul oyida futbolchi klub bilan shartnomani bekor qilib "Traktorsozi" klubiga erkin agent sifatida koʻchib oʻtdi.

Yaqindagina bergan intervyusida Alirizo shartnomani bekor qilish uchun "Persepolis" direktorlaridan biriga shartnomaga bir tomonlama bekor qilish punktini qoʻshish uchun 90 ming AQSh dollari pora berganini e'lon qildi. Qoʻshimchasiga futbolchi "Menda oʻsha 90 ming AQSh dollarini berayotganimda olingan video bor" deb aytdi.

"Persepolis" rahbariyati esa shartnomani bir tomonlama bekor qilganlikda ayblab, Beyranvandni sudga berdi. Sud darvozabon 400 ming AQSh dollari toʻlashi haqida qaror chiqardi. “Zamin” yangiliklarini “Telegram”da kuzatib boring