Turki al ash-Sheyx: Beterbiev—Bivol jangi natijasi adolatsiz boʻldi

Saudiya Arabistonida koʻngilochar ishlar boʻyicha bosh boshqarmasi raisi Turki al ash-Sheyx Beterbiev—Bivol jangi natijasi adolatsiz boʻldi deb hisoblaydi.

“Soʻnggi 20 yillikning eng yaxshi janglaridan biri boʻldi deb oʻylayman, biroq natija adolatsiz.

Ikkala bokschi ham menga qadrdon, lekin Bivol 2 ta raund koʻproq oldinda edi. Revansh jangini tashkillashtirishga harakat qilaman. Ikkala bokschi rozi boʻlsa, buni qilish qiyin emas”, — deydi ash-Sheyx.

Eslatib oʻtamiz, Artur Beterbiev Dmitriy Bivol ustidan ochkolar evaziga (114-114, 115-113, 116-112) gʻalaba qozondi va yarim ogʻir vazn toifasida mutlaq jahon chempioniga aylandi. “Zamin”ni Telegramʻda oʻqing!